Ислом Аҳмедов: ”Сўғдиёна” ўз уйида ғалаба қозонса керак”

Хусусан олий лигада қолиш учун жиддий кураш олиб бораётган “Сўғдиёна” ўз уйида аутсайдер “Бухоро”ни қабул қилади. Мазкур ўйинга бўлган қизиқиш мухлис-у, мутахассислар томонидан юқори бўлмоқда. Шу боис биз ҳам ўз навбатида ОФК инструктори, футболимиздаги таниқли шасхлардан бири бўлган Ислом Аҳмедов билан боғланиб, аутсайдерларнинг бўлажак тўқнашуви олдидан фикрларини билишга уриндик.

- “Сўғдиёна” – “Бухоро” баҳсида ким ғалаба қозонади? Тўғри, жуда мураккаб савол. Жиззахликлар ўз уйида ўйнайди. Шу боис менимча “Сўғдиёна” ютса керак.

- Кучлилар сафида қолиш учун харакат қилаётган яна бир жамоа – “Динамо”га келадиган бўлсак, самарқандликлар ҳам ўз майдонида ўйнайди. Гарчи рақиб “Олмалиқ” бўлсада, мезбонларга ҳам ушбу турда ғалаба сув ва ҳаводек зарур. Шунинг учун ушбу баҳсда ҳам майдон эгалари ютса керак деб таҳмин қиламан.

- Ким чемпион бўлади? “Пахтакор”?! Бу жуда катта савол...

Исломбек Рустамбеков ёзиб олди