Инзаги дербидан олдин: "Милан" яхши ҳолатда эмас, аммо улар амалдаги чемпион"

"Биз кўплаб дербиларда қатнашганмиз ва уларнинг барчаси турлича. Италия Кубогидаги ғалаба бизга иккинчи совринни қўлга киритишимизга сабаб бўлди. Чемпионатда эса натижалар кўнгилдагидек эмас. Шу боисдан бундай ўйинларда концентрацияни йўқотмаслик керак. Жамоалар ўз олдига қандай мақсад қўйганига яраша очколар жамғаради.

Сўнгги икки йилда скудеттога эга чиққан, Италия Суперкубогида ўйнаган жамоалар ўйнашади. Бундай пайтда барчасини бир эпизод ҳал қилиши мумкин. "Милан" сўнгги ўйинларидаги каби ўйин кўрсатади деб ўйламайман. Бу жамоани қаттиқ ҳурмат қиламан. Бизни кучли дерби кутмоқда.

Балки "Милан" яхши ҳолатда эмасдек кўринар. Аммо улар ЕЧЛнинг 1/8 финали иштирокчиси, амалдаги чемпион. Уларда сифат юқори, шу сабабли диққатни, хушёрликни йўқотмаслик керак. Шунингдек, доимо нималарга қодир эканлигимизни исботлай олайлик", - деди Инзаги.