UZ

Сўнгги янгиликлар

13:32"Атлетико" директори коронавирус туфайли ёзги трансферлар ойнасини бекор қилишни таклиф этди  0 13:07Сўнгги беш йилда жамоадошлари учун энг кўп вазият яратиб берган ўйинчилар  7 12:48Спортчилар ижтимоий тармоқларда  0 12:37Вейналдум фаолиятидаги энг қийин рақиби ким бўлганини айтди  0 12:14Месси футбол тарихидаги энг кучли дриблингчи борасида Роналдиньодан ўзиб кетди  9 11:59Англия Премьер-лигаси тарихидаги энг чиройли финтлар  1 11:50"Тоттенхэм" "Барселона"га ўз ўйинчисининг нархини маълум қилди  0 11:44Болаликдаги орзуси футбол бўлмаган Марсело ҳақида  3 11:30Olamsport: Ўзбек боксчисининг бўлажак рақиби АҚШдаги вазият ҳақида, 4 қаватли савдо маркази касалхона учун   0 11:28"Барселона" академияси тарбияланувчилари коронавирусга қарши курашга атаб суратлар чизишди  1 11:21Карикатура: АПЛда навбатдаги "мураббий" истеъфога чиқиш арафасида  1 10:59“Андижон”нинг собиқ легионери Радосав Алексич: “Хомяков нима учун истеъфога чиқарилганини ўзи жуда яхши билади”  6 10:46Расман: "Атлетико" футболчиларнинг маошларини камайтирди ва клуб ходимларини қисқартирди  0 10:22"Манчестер Юнайтед" А Серия тўпурарига қизиқиш билдирмоқда  3 10:15Koronavirus Info. Ўзбекистонда коронавирус инфекцияси билан касалланганлар сони 100дан ортди, яна бир эркак вафот этди   8

Интервью. Лутфулла Тўраев: “Бу йил “Бунёдкор”га қийин бўлади” Янгиликлар

Интервью. Лутфулла Тўраев: “Бу йил “Бунёдкор”га қийин бўлади”

Тошкентнинг “Бунёдкор” жамоаси мавсумни бошқаларга қараганда эртароқ бошлади. Боиси, уларни олдинда ОЧЛ доирасидаги саралаш ва плей-офф баҳслари кутарди.

Бироқ “қалдирғочлар” кутилмаганда мусобақа гуруҳ босқичига чиқа олишмади. Эндиликда Вадим Абрамов шогирдлари диққат ва эътиборларини ички чемпионатда муваффақиятли иштирок этишга қаратишлари табиий. Чунки ўтган йили бронза медалларига сазовор бўлган жамоадан ишқибозлар янада кўпроғини кутишади. Биз шу муносабат билан етакчи футболчини сайтимиз офисига таклиф қилиб, интервью олдик.





- “Бунёдкор”нинг жорий йилдаги режалари, мақсадлари қандай? Раҳбарият жамоа олдига қандай вазифаларни қўймоқда?
- Дастлабки йиғинни жамоамиз БААнинг Абу-Даби шаҳрида олиб борди. ОЧЛда иккита ўйин ўтказдик. Мақсадимиз гуруҳ босқичига чиқиш эди. Афсуски плей-оффда мағлубиятга учрадик. Энди бор эътиборимизни Суперлига баҳсларига қаратамиз.

- “Бунёдкор”ни мағлуб этган “Ал Айн”, ОЧЛ биринчи турида ўз майдонида Эроннинг “Сепахон” клубига йирик, 0:4 ҳисобида мағлуб бўлди. Нима деб ўйлайсиз, шу куни рақиб кучлилиик қилдими? Ёки бизникиларнинг кучи етмадими?
- Амирликлар жамоаси кучли ўйин намойиш этди демаган бўлардим. Биз фақат 65 дақиқа яхши ўйнадик. Кейин жисмоний томондан озгина етишмовчилик бўлди. Сабаби бизда энди мавсум бошланмоқда, шунингдек беш футболчимиз олимпия терма жамоаси билан Осиё чемпионатида иштирок этаётганлиги сабаб кучимиз етмади. Боз устига янги келган футболчилар билан ўзаро чиқишиб, тушуниб олиш учун вақт камлик қилди.

- Клубларимизда ҳам, терма жамоаларимизда ҳам муҳим ва ҳал қилувчи учрашувлар пайти саросима ва ҳаяжон юзага келади. Футболчилар ҳам босим билан тўп тепишади. Мазкур ҳолат нима билан боғлиқ? Бу кеча ёки бугун бўлаётгани йўқ.
- Ҳаяжонга боғлиқ демаган бўлардим. Терма жамоамизда мураббий ўзгарди, Вадим Абрамов бош мураббийга айланди. ЖЧ-2014 саралаши учинчи босқич биринчи туридан сўнг уни истеъфога чиқаришди. Етарлича имконият беришмаганди деб ўйлайман.



- “Бунёдкор” билан янги шартнома имзоладингиз. Бу кимнинг қарори? Мураббийми ёки ўз хоҳишингиз...
- Ўзингиз ҳам биласиз “Бунёдкор”да яхши жамоа шаклланган. ОЧЛда узоқроққа боришни истагандик. Жамоада қолишимни биринчи сабаби шу. Иккинчидан ўзим хоҳладим. Икки томон келишиб шартномани бир йилга узайтирдик.

- 2019 йил “Бунёдкор” учун ниҳоятда муваффақиятли ўтди дея оламиз. Таркибда ёш футболчилар кўп бўлишига қарамасдан учинчи ўринни ўзиники қилди. Албатта, осонликча қўлга киритилмади. Айниқса, охирги турлар. Дейлик, “Пахтакор” билан ўйин мухлислар орасида турли муҳокамаларга сабаб бўлди...
- Биз ушбу учрашувга яхши тайёргарлик билан чиққан эдик. “Пахтакор” чемпионликни расмийлаштириб бўлганди. Боллар билан ўйиндан олдин: “Ҳеч ким ютмаган жамоани нега биз юта олмаймиз?” деб гаплашиб олдик.

- Барчани қизиқтирган савол. Ташқи кўринишингиздан, гавдангиздан сизни кўпчилик ёши катта футболчи деб ўйлайди. Мухлисларнинг аксарияти шундай мазмундаги танқидий фикрларни билдиришади...
- Менимча, телевизорда шунақа кўрсатса керак. Ўзимни семиз деб ўйламайман. Ёшимга келсак ҳеч қандай ўзгаришсиз 32 ёшдаман. Ўзимни қари футболчи деб ҳисобламайман.

- Қишки трансферлар пайтида жамоани кўплаб футболчилар тарк этишди. Айримлар, Корея қуйи лигасидаги клубларни танлашди. Демак, у ерни бизнинг чемпионатимиздан устун қўйишди. Аслида қандай? Мана сиз Малайзия чемпионатида даража жиҳатдан кейинги ўринда турадиган лигасида тўп тепгансиз...
- Кореянинг қуйи лигаси бизнинг Суперлигамиздан кучли демаган бўлардим. Масалан биз БААдаги йиғин давомида “Сувон” клуби билан ўйнадик. Бир калла устун деган фикрга қўшилмайман.



- Ўтган мавсумда Жасур Жалолиддинов кашфиёт футболчи сифатида тилга олинди. Бу йил ҳам ўринбосарлар жамоасидан асосий таркибга номзод футболчилар борми?
- Йиғинларда кўп ёш ўйинчилар қатнашди. Назаримда, Жасур бу йил яна иқтидорини кўпроқ намоён қилса керак.

- “Беневенто” клуби қизиқишлари доирасида турибди. Умуман унинг Италияга кетишига муносабатингиз...
- Қишда йиғинда ва бир ҳафта давомида машғулотларда қатнашиб келди. Ўзи билан ҳам гаплашдик. Ўйлашимча, у Италияга кетмаса керак. Бошқа клубга йўл олмаса, жорий мавсумда “Бунёдкор” билан ўзининг энг яхши ўйинларини ўтказади.

- Фаолиятингиз давомида кўплаб совринларга эга чиққансиз. “Насаф” билан ОФК кубогида зафар қучгансиз. Легионер сифатида ҳам Малайзия кубогида ғолиб бўлгансиз. Яна ушалмаган орзуингиз борми?
- Орзуим миллий терма жамоамиз билан мундиалда қатнашиш. Насиб қилса 2022 йил Қатардаги Жаҳон чемпионатида юртимиз байроғини баландга кутаришни истайман. Бунинг учун менда имконият бор.



- Биринчи турни сафарда “Сурхон”га қарши ўтказасизлар. Ўтган йили биринчи даврада қайд этилган натижадан хабарингиз бор...
- Бизга ҳам бу йил осон бўлмайди, икки баробар қийин бўлади. Аввалги мавсумда ёш боллар деб кўп жамоалар бизга қарши менсимасдан майдонга чиққан бўлиши мумкин. Энди бизга нисбатан муносабат ўзгаради.

- Жамоа сафига янги қўшилган икки нафар легионер ҳақида нима дея оласиз? Барибир машғулотларда бирга ишлайсиз, кўп алоқада бўласиз...
- Даврон Эргашев яхши футболчи, жисмонан бақувват. Бекорга Тожикистонда йилнинг энг яхши ҳимоячиси сифатида эътироф этилмади. Селим Нурмурадов эса ёш футболчи, ҳали ўзини кўрсатади.

Абдулазиз Искандаров суҳбатлашди 

Рейтинг:    

Ўхшаш янгиликлар

Фикрлар

+8   
27 фев 13:23:51
Man untd....
Бунедкорда бу йил қийин бўлади сабаби мен борман демабсанда
+6   
27 фев 12:47:08
Real madrid & liverpool
Вадим дадажонинг бор нима гаминг бор...
+5   
27 фев 13:32:20
Аббосхужа
Конкрет фикри йук ку бу Лео ни. Яна МТЖ да уйнайман дейди. Вадим тога хам шу болани куп куллаяптида. Ёшларга йул бериш керак. Лутфулла сен хафа булма ю, майдонда факат уз шерикларингга норози кайфиятда удагайлашдан бошка иш килмайсан.
+4   
27 фев 13:32:19
Албарс
- 2019 йил “Бунёдкор” учун ниҳоятда муваффақиятли ўтди дея оламиз. Таркибда ёш футболчилар кўп бўлишига қарамасдан учинчи ўринни ўзиники қилди.

********
Тўғри айтасиз Муроджон Зуҳуров, Анваржон Ғофуров, Санжаржон Турсунов, Шохрухжон Гадоев ва мен каминангиз Лутфуллажон Тўраев бизлар ёшмиз ҳали энди нонни нон деяпмиз, ўтган йили нанна деярдик))
+4   
27 фев 13:24:32
Албарс
.....Биз фақат 65 дақиқа яхши ўйнадик. Кейин жисмоний томондан етишмовчилик бўлди. Сабаби бизда қорин бор)))..... Нафс ўлсин тандиргўшт, жиз емасак булмаса (ҳазил)
+2   
27 фев 13:53:21
Neftchi Fergana uzb
Бу йил Бунёдкор биринчи лигага тушиб кетади демапсан
+2   
27 фев 13:36:03
MirzoBobur
Rro ligaga tushib ketamiz ozimiz bilan lokoniyam olib demabsanda. Ikkala klub ochl da yutlizaverib ochkolarimizdi pasga tushirib yubordi
+2   
27 фев 13:08:10
MTJ ga omad
Xozirgina Dior Imomxòjayevni telegram kqnqlida опрос kegandi. Telegramda online da turganim uchun xech 3 soniya ichida kirib ulgidim. Qarasam paxtakor bilan navbaxorni òyinida kim yutishiga ovoz berilayotgan ekan. Eng birinchi bòlib man ovoz beryapman shekilli deb navbaxorga bosgandim. Qarasam 202 obunachi ovoz berib bòpti ekan. 52% paxtakordi yutuģiga 37% navbaxordi yutuģiga 11% nichiya bòladiga ovoz berib bòlinipti. Man tushunmagan narsam... qanday qilib 3 soniya òtmasidan 202 odam ovoz berishi ilojsiz. Diyor Imomxòjayevdan izox talab qilaman. Mart bòsa shu kamentimga javob yozsin. Ilmoqli gaplarini qimasin. Manaviyat va marifatdan darz òtmasin. Faqat shu man sòragan yoki tushinmagan narsaga oydinlik kiritsa bòlgani
+2   
27 фев 12:55:50
alibek.karim
san pensiyaga chiqsen uzb halqini duosida qolasan yoki chiqmasen qargishida yururasanla
+1   
28 фев 14:06:25
Sardor Abubakirov
Lutfulla Toʻraevni futbol oʻynashini bilmadimu , harakteridayam muammolar bor. Chala yulduz anovi mol Hoshimov ikkalasi
+1   
27 фев 14:59:59
forvard1975
Луттижон агар сан жч да уйнашни орзу килсанг биз жч га чикишни орзу килиб колаверамиз эканда
+1   
27 фев 12:55:59
Davronbek Beshariq
Омадини берсин. Тез фикрлаш бор , тез харакат ва уни тез амалга ошириш йук..
   
07 мар 20:41:59
ахмад пошшо
Абрамов яхши мураббий лекин Тураевга келганда аник адашмокда,умуман уйини йук кария,давно жавобини бериш керак эди.
   
06 мар 12:03:42
SANJMIR MDF
Yaxshi
   
28 фев 18:18:15
Узбекистон1111
Журналистлар шу болани атайин чакирадими дейманда.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг