- Yaman bilan o'yinda terma jamoa katta ustunlikka ega bo'ldi va buni hisobda ham aks ettirdi. Ko'p kuch sarflangani aniq. Tiklanish jarayoni qanday kechdi?
- Odatdagidek tiklanish mashqlarini olib bordik. Barchasi rejadagidek.
- Milliy chempionatimizda mavsum yakunlanib bormoqda. Futbolchilarda charchoq alomatlari sezilishi tabiiy hol. Ayni pallada jamoadagilarni jismoniy holati qanday?
- Baribir xohlaymizmi, yo'qmi charchoq ozgina seziladi. Chunki mavsum oxiri, Superliga yakunlanishiga oz qoldi. Lekin terma jamoa o'yinlari paytida yaxshi sport formasida bo'lishimiz kerak.
- Raqib avvalgi turda Saudiya Arabistoniga mag'lub bo'ldi. Singapur terma jamoasidan ochiq o'yin kutyapsizmi yoki himoyaga asoslangan?
- Ularni o'rganyapmiz. Singapurliklar so'nggi o'yinlarda hujumkor futbol ko'rsatishmoqda.
- Safarda, ko'plab singapurlik ishqibozlar qarshisida o'ynashini inobatga olsak, terma jamoamizdan qanday futbol kutishimiz mumkin?
- Xudo xohlasa safarda ham chiroyli va hujumkor o'yin ko'rsatib g'alabaga erishmoqchimiz.
Abdulaziz suhbatlashdi
