UZ

Сўнгги янгиликлар

08:02Расман: “Аякс” футболчиси “Байер”га ўтди   0 07:45“Севилья” “Реал” футболчини сотиб олишга ҳаракат қилади   0 07:23“Реал”да янги мавсум ким иккинчи посбон бўлиши маълум   1 07:05Расман: Алессандро Неста “Фрозиноне” бош мураббийига айланди   1 01:50"Ювентус" Погбанинг трансфери учун МЮга қанча маблағ ажратиши маълум бўлди  7 01:20ЛаЛига президенти Неймарнинг «Барселона»га қайтиши ҳақидаги хабарларга муносабат билдирди  2 00:50"Манчестер Юнайтед" Хамес борасида "Реал"га таклиф билан чиқди  4 00:20Энди "Дижон"да ҳам Месси бор  20 23:50Спорт оламининг энг бузғунчи вакиллари рейтингидаги пешқадамлик "Барселона" форвардига берилди  18 23:25Уругвайлик футболчи Копа Америка-2019да бошқа майдонга тушмайди  3 23:10Тотти: "Ҳали эсимни йўқотганимча йўқ"  7 22:46"Манчестер Сити" трансфер борасида "Ювентус" билан келишиб олди  13 22:45Спортчилар ижтимоий тармоқларда  3 22:20"Челси" испан грандларининг таклифига рад жавобини берди  2 21:56"Дерби": "Лэмпард бизни тушунишини истаймиз"  8

Интервью. Ислом Қобилов: "Бунёдкор" иккинчи уйим" Янгиликлар

Интервью. Ислом Қобилов: "Бунёдкор" иккинчи уйим"

Йил бошида Тошкентнинг "Бунёдкор" клубида катта ўзгаришлар содир бўлди. Раҳбарият ўзгарди, мураббийлар штаби ўзгарди, кўплаб футболчилар бошқа клубларга ўтиб кетишди.

Шунга қарамай ёш футболчилардан иборат жамоа Вадим Абрамов бошчилигида чиройли ўйин намойиш этмоқда ва айни пайтда пешқадамлар орасида бормоқда. "Қалдирғочлар" таркибида Ислом Қобилов ҳимоядаги ишончли ўйинлари билан кўпчиликнинг эътиборига тушмоқда. Биз айни пайтда Ўзбекистон олимпия терма жамоаси сафида йиғин ўтказаётган футболчи билан суҳбатлашдик.

- Ушбу мавсум ҳақида нима дея оласиз?

- Хабарингиз бор, 2019 йилги Суперлига биз учун муваффақиятли бошлангани йўқ. Дастлаб Жиззахда, сўнгра "Пахтакор" билан ўйинда мағлуб бўлдик. Бироқ кейинчалик ўзимизга келиб олдик. Шунга қарамай кўплаб қимматли очколарни йўқотдик. Бу мавсумдан ҳозирча 70 фоизга кўнглим тўлмоқда дея оламан.

- Сизингча ўша икки мағлубиятга нима сабаб бўлганди?

- Янги мавсум олдидан жамоада бош мураббий ўзгарди, таркибни кўплаб футболчилар тарк этишди. Жамоа ўзагини асосан ёш футболчилар ташкил этмоқда. Мавсум аввалида бизга бироз тажриба етишмади менимча. Сабаби икки нафар тажрибали футболчи Анвар Ғофуров ва Лутфулла Тўраев биринчи турда бизга ёрдам бера олишмаганди. Бу икки ўйинчи билан бирга Муроджон Зуҳуров айни пайтда жамоамизнинг тажрибали ва етакчилари ҳисобланади. Улар ёш жамоадошларига ўсишда ва ривожланишда ёрдам беришмоқда.



- Вадим Абрамовга мураббий сифатида қандай таъриф берасиз?

- Абрамов жуда ҳам совуққон мурббий. Ҳар қандай қийин вазиятда ҳам ўзини йўқотиб қўймайди. Мағлубиятга учраганда ёки гол ўтказиб юборганимизд шунчаки ўз ўйинимизни ўйнашимизни таъкидлайди. Нима бўлса ҳам ўз ўйин услубидан воз кечмайдиган мураббий. Тажрибаси жуда юқори.

- Нима учун ҳимояни танлагансиз ёки мураббийнинг қарорими бу?

- Ҳимоячи булишимга дадам сабабчи бўлганлар. Чунки ўзлари ҳам футболчилик пайтида ҳимояда ўйнаганлар. Дадамга худо хоҳласа ўғлим ҳужумчи бўлади десам, йўқ бизнинг оиладан фақат ҳимоячилар чиқади дедилар (кулади).

- Дадангиз қайси клубларда ўйнаганлар?

- Дадам, Илҳом Зайлобиддинов Ўзбекистонда "Цементчи", "Қўқон-1912" ва Қирғизистонда "Олой", "Металлург" клубларида фаолият олиб борганлар.

- "Бунёдкор" академиясига ўтиш қандай содир бўлган?

- Дастлаб мен Фарғонадаги БЎСМда таҳсил олганман. 2009 йилда Тохир ака Кападзе футбол мактабидаги ўйинларимни кўриб дадамга ўғлингни "Бунёдкор" академиясига кўрикка олиб борсак нима дейсан деганлар. Дадам рози бўлганлар ва шу тариқа кўрикка келганман. Академияда Александр Мочинов ўз жамоасига олиб қолганлар. "Бунёдкор" академиясида Рустам Ашурматов, Достонбек Ҳамдамов, Акром Комилов, Дилшод Аҳмадалиев, Сардорбек Азимов ва ҳозир "Бунёдкор" сафида ўйнайдиган кўпчилик билан бирга катта бўлганмиз.



- "Бунёдкор"да ўйнаган Элдор Шомуродов, Достонбек Ҳамдамов, Рустам Ашурматов каби ёш футболчилар хориж клубларида ўйнашди ва ўйнашмоқда. Ислом Қобилов қачон легионерга айланши мумкин деб ўйлайсиз?

- Бу футболчилар ҳам "Бунёдкор", ҳам терма жамоамиз сафидаги ўйинлари орақали хориж клублари эътиборига тушишган. Мен ҳам "Бунёдкор"да барқарор ўйин намойиш этишим керак. Ундан ташқари келгуси йил январь ойида Таиландда U-23 Осиё чемпионати бўлиб ўтади. Бу мусобақа нафақат мен учун балки кўпчилик футболчилар учун бозор бўлади десак янглишмаймиз. Чемпионатдаги бош мақсадимиз Олимпиада йўлланмасига эга чиқиш. Токиодаги мусобақага йўлланма олсак ўз-ўзидан хориж клубларидан қизиқиш пайдо бўлади.

- "Бунёдкор" сиз учун...

- "Бунёдкор" мени тарбиялаган, шу даражага етишимга сабабчи бўлган маскан. Қисқа қилиб айтганда бу менинг иккинчи уйим.

- Ўтган йилги "Бунёдкор" ва бу йилги "Бунёдкор"нинг фарқи нимада?

- Раҳбарият ўзгарди, мураббий ўзгарди, тажрибали ўйинчилар жамоани тарк этишди. Лекин "Бунёдкор" кўпчилик кутганидек ўз мавқеини йўқотиб қўймади.

- Ўз вақтида "Металлург"да ижарада ўйнагансиз. Бекобод клубидаги фаолиятни қандай ёдга оласиз?

- Жуда катта тажриба бўлган. Чунки Ўзбекистон чемпионатидаги дебютим 2016 йилда айнан "Металлург" таркибида бўлган.

- Ўзбекистон олимпия терма жамоасида сардорсиз. Сардорлик масъулияти қанчалик оғир?

- Албатта сардорлик ҳар бир футболчига катта масъулият ва босим юклайди. Ўзбекистондек мамлакат терма жамоасининг сардори бўлиш шараф. Босимни енгиб ўтишда мураббийлар ва шерикларим яқиндан ёрдам беришмоқда.



- 2018 йил Хитойда ўтган U-23 Осиё чемпионатида иштирок этиб чемпион бўлгансиз. Яна шуни такрорлаш учун нима содир бўлиши керак?

- Яна бир марта чемпион бўлишимиз учун жамоа бир оиладек бўлиши, худди ўша пайтдагидек иштиёқ ва Андрей Сидоров бўлиши керак (кулади).

- Сизни футболдагилар "Колодин" деб чақиришади. Бу лақаб қачон қандай пайдо бўлган?

- "Бунёдкор" академиясида ёшликда Ислом Рашидхонов билан битта хонада яшардик. Жамоадошларим билан гаплашиб ўтирганимизда гапдан-гап чиқиб Ислом мен учун бугундан бошлаб Колодинсан деган. Шундан кейин ҳамма ўртоқларим "Колодин" деб чақира бошлашган.

- Колодин ким эканлигини биласизми?

- Албатта биламан. Россия терма жамоаси собиқ ҳимоячиси Денис Колодин. Евро-2008да кўпчиликнинг эътиборига тушган. Унинг зарбалари жуда кучли эди.

Нарзулла Сайдуллаев суҳбатлашди

Рейтинг: +6   

Фикрлар

+2   
10 июн 16:57:54
Rustambek Bobojonov
Islomboy ukam shu intervyu orqali sani oyoqqa turgazgan birinchi murabbiyingni ham aytib o'tsang yaxshi bo'lardi.
+2   
10 июн 16:55:44
Rustambek Bobojonov
Islomboy oyoqqa turgazgan birinchi murabbiyingni unutma ukam.
+1   
11 июн 01:51:17
Rasul Nabiyev
Rustambek Bobojonov фойдаланувчининг фикрига жавоб бериш
Islomboy ukam shu intervyu orqali sani oyoqqa turgazgan birinchi murabbiyingni ham aytib o'tsang yaxshi bo'lardi.
Adashmasam DSSSh dagi Ruslan aka haqida gapiryapsiza ?
   
14 июн 21:07:54
ФК Тулуза
Академияга ўтиши таниш-билишчилик бўлган экан-да
   
10 июн 21:44:14
Sherdilbek Tursunaliyev
omad ISLOM
   
10 июн 19:26:52
Abror 07
Otj barcha himoyachilari raqib xujim qilganda oyoģi qaltirar ekan kecha sezilib qoldi
   
10 июн 13:45:24
DENOV_2
Исломжон ўз устингда ишлашдан тўхтама ОМАД !
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг