«ИнтерФУТБОЛ»нинг пайшанба кунги 60-сонида...

Шу билан бирга, ҳафта давомида амалга оширилган сўнгги трансфер янгиликлари ҳамда қайноқ хабарлар ҳам айнан InterFUTBOLда…
Газетамизнинг 28 июл кунги сонида қуйидаги мақолаларниларни ҳам мутоала қилиш имкониятингиз бор...

- Бири кетди, бошқаси келди
Ўтган ҳафта халқаро футбол билан боғлиқ иккита хабар чиқди - бири яхши, иккинчиси эса ёмон. Яхши хабар шундан иборатки, Марказий Осиё Футбол Ассоциацияси кубоги ташкил этилди ва янада яхши томони - турнир Тошкентда ўтказилади. Ёмон хабар эса - МДҲ кубоги батамом барҳам топди. Келинг, аввал мана шу ёмонига тўхталиб ўтайлик.

- Равшан ҲАЙДАРОВ: «Терма жамоада энг муносиблар ўйнайди»
Маълумки, ўтган ҳафта ЎФФ Терма жамоалар маркази томонидан 1995 йил ва ундан кичик ёшдаги футболчилардан таркиб топган терма жамоа тузилиб, унга Равшан Ҳайдаров бош мураббий этиб тайинланганди. Бу терма жамоамиз келаси йили ўтказиладиган 23 ёшгача бўлган футболчилар ўртасидаги Осиё чемпионатининг саралаш баҳслари ҳамда навбатдаги Осиё ўйинларида иштирок этади.

- Болалар футболчи ҳақида: Германиялик Сашани қийнаган савол…
Яқинда Championat.asia сайти ижодкорлари Тошкентда меҳмон бўлган Германиянинг JFL-Schlotheim жамоаси бошқарувчиси ва катта мураббийи билан кўришиб, хорижлик мутахассисларнинг ўзбек футболи борасидаги фикрлари билан қизиқишди. Газетамизнинг ўтган сонида Эльфи Ферншилд ва Саша Роутернинг Ўзбекистонга ташрифлари билан боғлиқ мақоланинг дастлабки қисми эътиборингизга ҳавола этилганди. Ушбу мақоланинг давомида муаллиф меҳмонлар берган қизиқ савол ҳамда Испания футболининг айрим жиҳатлари ҳақида сўз юритади.

- Маркетинг
«Ювентус» дунё футболи тарихида энг қимматбаҳо харидга қўл урди - «Наполи»дан Гонсало Игуаинни сотиб олди. Озгина пулга эмас, нақд 90 миллион еврога. Туринликларнинг хариди эътиборсиз қолмади, албатта. Шунча пул сарфланади-ю, эътиборсиз қоладими? Ҳар томондан турли фикрлар билдирилди. Табиийки, улар орасида маъқулловчи гапдан кўра, қарши чиқадигани кўпроқ. Ахир шунча пул-а! Ҳозир ҳамма «Ювентус»ни гапирмоқда - мухлислар, журналистлар, мураббийлар, мутахассислар... Хўш, туринликлар тутган йўл тўғрими?

- Артур ГЕВОРКЯН:  «Худди уйдан бош олиб кетгандек бўлдим»
Ўзбекистон чемпионатида ёзги трансфер бозорининг энг қайноқ харидини «Локомотив» клуби амалга оширди. Жорий мавсум ўз олдига энг олий мақсадларни қўйган «темирйўлчилар» «Насаф» сардори Артур Геворкянни ўз сафларига қўшиб олишди. Турк¬манистон термаси етакчиси «аждарлар» либосида 140та учрашувда майдонга тушиб, 64та тўп киритганди.

- Денисов Кришитодан олдинда…
РФПЛнинг ЭНГ ҚИММАТ ФУТБОЛЧИЛАРИДАН ТУЗИЛГАН РАМЗИЙ ТЕРМА
Халк Хитойга, Мусо эса Англияга йўл олди. Витселнинг ҳам «Зенит»ни тарк этиши 99 фоизга аниқ бўлиб улгурган. Soccer.ru Россия чемпионатида тўп сураётган энг қиммат футболчилардан иборат рамзий терма тузди. Эътиборлиси, ушбу рўйхатдан Ўзбекистон миллий жамоаси ҳамда Москванинг «Локомотив» клуби чап қанот ҳимоячиси Виталий Денисов ҳам ўрин эгаллади.

- Афсус яна жароҳат
Жароҳат - футболчининг ашаддий душмани! Тана аъзосининг қайсидир қисми лат еса, ўйнаш имконияти пасайиши инкор этиб бўлмас ҳақиқат. Маълумки, чаққон ва рақибини алдашга мойил футболчилар тез-тез жароҳатдан жабр кўришади: уларга қарши кўпинча қўполлик ишлатишади. Криштиану Роналду, Эден Азар, Лионель Месси... Шу номлар қаторига бемалол Арьен Роббенни ҳам киритиш мумкин. Голландиялик ярим ҳимоячи фаолиятининг аксарият қисмини айнан шикастланиш оқибатида майдондан четда ўтказган. Қуйида бериладиган маълумотлар Роббеннинг жароҳатлари хусусида.

- «Ҳамма пулни ота-онамга бераман»
ЁХУД «ЮВЕНТУС»НИНГ НОЁБ ТОПИЛМАСИ ҲАҚИДА
Топ-клублар Марко Пьяцага анчадан буён қизиқиш билдиришаётганди. Хусусан, «Ювентус» спорт директори Фабио Паратичи деярли уч йил мобайнида ёрқин истеъдод соҳибини кузатди. «Наполи», «Интер», «Ливерпуль», «Тоттенхэм» ва ниҳоят, «Милан»дан тушган таклифларга рад жавоби берилди. Кейинги икки йил мобайнида Загребнинг «Динамо» клубига 23 миллион евро тўлашга келишган Турин гранди барчадан чаққонлик қилди. Футболчи билан беш йиллик шартнома имзоланди. Бугун Пьяца ҳақидаги энг муҳим маълумотларга бирма-бир назар ташлашга қарор қилдик.

- Александр Зинченко: «Пеп ҳазилни жойига қўяди»
Хабарингиз бор, уч ҳафта олдин «Уфа» клуби ва Украина терма жамоаси аъзоси Александр Зинченко «Манчестер Сити»га ўтди. Яқинда россиялик журналистлар унинг янги жамоасидаги аҳволи билан қизиқишди.

- Тьерри АНРИ:«МУРАББИЙЛАРНИ ҲУРМАТ ҚИЛИШНИ ЎРГАНДИМ»
«Арсенал» афсонаси Тьерри Анри Sun Sport нашрига берган интервьюсида мураббийликни орзу қилиши ва у билан шартномани узайтиришни истамаган «канонирлар»дан хафа эмаслигини тан олди.
Анрининг фикрича, жорий мавсум «Арсенал»да чемпион бўлиш учун имкон бор экан. Франциялик футболчининг айтишича, Пеп Гвардиола, Антонио Конте, Жозе Моуриньо ва Юрген Клопп¬лар янги жойларига ҳали мослашиб олишлари лозим. Демак, Арсен Венгер кейинги 13 йилдаги биринчи чемпионлигини қўлга киритиши мумкин.

- Иван КОРДОБА:«Роналдо – Il Fenomeno!»
«Интер»нинг собиқ ҳимоячиси Иван Кордоба Suning Groupнинг Миландаги лойиҳаси иш беришига ишонади. Шу билан бирга, бу лойиҳада ишлашдан мамнун.
39 ёшли Кордоба 2000-2012 йилларда «Интер» шарафини ҳимоя қилиб, маҳаллий мухлислар ёқимтойига айланганди. Яқинда La Gazzetta dello Sport нашри у билан қисқача суҳбат уюштирди.

- Олийҳиммат футболчилар
Хабарингиз бор, куни кеча Португалия терма жамоаси ва Мадриднинг «Реал» клуби ҳужумчиси Криштиану Роналду Евро-2016 доирасида қўлга киритилган 275 минг евролик мукофот пулларини саратон хасталигидан азият чекаётган болаларни даволаш мақсадида хайрия қилиб юборди. Бу хасталикка чалинган болаларнинг кўзларига боқиш жуда қийин. Уларга ва бечораларнинг ота-оналарини кўриб, кундалик ҳаётимдаги муаммолар нақадар арзимас эканини тушуниб етаман. Шунинг учун имконим борича ёрдамга муҳтожларга саховат қўлини узатаман», - дейди Роналду.

«Лестер» оркестрининг дирижёри
Football.ua ва Grants компанияси ҳаёт йўли Голливудга сюжет қилишга арзийдиган, ўта меҳнаткаш  ва ажойиб инсон - Клаудио Раньерига тегишли цитаталарни эътиборингизга ҳавола этади.

Евро-2020. тенгсиз, ғаройиб, ностандарт
Португалия терма жамоаси аъзолари кўксини олтин медаллар безаган палладан бошлаб Евро-2016 тарихга айланди ва жамоатчилик эътиборини навбатдаги - юбилей қитъа биринчилиги режалари эгаллай бошлади. Ташкилотчилар бу мусобақани том маънодаги янги турнир даражасига кўтариш ниятидалар. Евро-2020 финал босқичи илк марта турли мамлакатларнинг 13та шаҳрида бўлиб ўтади. Шунингдек, мутасаддилар анг¬лиялик мухлисларнинг УЕФАга гина-кудуратларига барҳам бериш ҳамда 60 йил муқаддам ўтказилган илк қитъа биринчилигида ғолиб чиққан терма жамоага ҳурмат бажо келтиришни ҳам эътибордан четда қолдиришмаяпти.