“Интер” футболчиси Месси ва Роналдуни таққослади
17 окт 2018 23:39
Янгиликлар

“Интер” футболчиси Месси ва Роналдуни таққослади

“Интер” ярим ҳимоячиси Ража Найнгголан португалиялик футболчи Криштиану Роналдунинг “Ювентус”га ўтишига тўхталиб, уни Месси билан ҳам таққослади.

“Роналдунинг “Ювентус”га ўтиши-Италия чемпионатининг даражасини кўтаришга хизмати қилиши аниқ. Криштианунинг туринликлар сафида тўп тепиши биз учун ҳам қўшимча стимул.

Роналду ёки Месси? Мен Лионелни танлардим. Криштиану жамоа билан бирга кучли. Месси эса баъзида тўрт ёки беш нафар рақибни алдаб ўтиб, бир ўзи ўйин тақдирини ҳал қилиб қўя олади”, дея Найнгголаннинг сўзларидан иқтибос келтирмоқда La Gazzetta dello Sport.

Роналду июль ойида “Реал”дан “Ювентус”га кўчиб ўтганди. Футболчининг трансфери 112 миллион еврони ташкил этган. А сериянинг саккизта учрашувида ҳужумчи тўртта гол уриб, тўрт бор жамоадошларининг голларига ассистентлик қилди.

Ҳавола :

Манба : La Gazzetta dello Sport

Янгиликларни Телеграмда ўқинг!

Рейтинг: +2