Иньеста футболчи сифатида "Барселона"га қайтиши мумкин?!

Андрес Иньеста "Барселона"га қайтиш борасидаги саволга тўғридан-тўғри жавоб беришдан бош тортди, аммо буни истисно қилмади ҳам.

"Барселона"га қайтиш? Мен футбол ўйнашни давом эттирмоқчиман. Менинг "Виссел Кобе" билан тузган шартномам 2021 йилга қадар амал қилади, мен иштирокимни давом эттириш учун мотивацияга эгаман.

Футбол майдонида тўп билан ҳаракат қилишдек туйғуларни яна ҳис қилишни хоҳлайман", - дейди Иньеста.

Олдинроқ, "Барселона"нинг футболчини январда қайтаришга ҳаракат қилгани ҳақида хабарлар янграган эди.