UZ

Сўнгги янгиликлар

21:17Анри Бундеслигада иш бошлаши мумкин  1 20:52Неъматилло Қуттибоев: "Футболчилар ўйин бошланишидан олдин ғалаба қозондик деган кайфиятда майдонга тушишди"  1 20:22"Реал" "янги Криштиану Роналду"га қизиқмоқда  0 20:02Бинтсиз тез ёрдам, қулфланиб қолган эшик, кечиккан суҳандон - ПФЛ 3 клубга жарима солди  1 19:45"Манчестер Сити" "Реал"нинг икки ўйинчиси учун 200 млн евро тўлашга тайёр  2 19:21Мирко Еличич: "Сўнгги икки ҳафтада бешинчи ўйинимизни ўтказяпмиз. Суперлигага чиқиш вазифаси йўқ"  0 19:06Ўзбекистон кубоги. "B" гуруҳида биринчи кун ортда қолди — "Оил Стар" ҳам плей-оффда  0 18:46ПРО-Лига. "Olympic" мавсумдаги илк ғалабасини Нукусда қўлга киритди  1 18:19ПСЖ Эдуардо Камавинга учун 80 миллион евро таклиф қилди  1 17:22Роналдо "Вальядолид"ни сотиб юбормоқчи  1 16:59Расман: Жейми Варди мавсум охирида "Лестер"ни тарк этади  13 16:31ОКМК - "Насаф" учрашувидан ГАЛЕРЕЯ  1 15:50"Челси" ёзда вингер сотиб олмоқчи — номзодлар Гарначо, Нико Уильямс ва Гиттенс  3 15:46Нотўғри белгиланган пенальти ва ВАР хатоликлари. Суперлиганинг 6-туридаги ҳакамлик фаолияти таҳлили  8 15:10Дарвин Нуньеснинг "Тоттенхэм"га қарши ўйини "Ливерпул"га сал кам 5 миллионга тушади  3

Ҳамиджон Актамов: «Тошкентда ижобий натижа учун майдонга тушамиз» Янгиликлар

Ҳамиджон Актамов: «Тошкентда ижобий натижа учун майдонга тушамиз»

Бугун олий лига ўн учинчи турининг кечиктирилган «Локомотив» — «Қизилқум» жамоалари учрашуви бўлиб ўтади. Мазкур ўйин олдидан навоийликлар бош менежери Ҳамиджон Актамовнинг фикрлари билан қизиқдик.
— Давралар оралиғида жамоамиз таркибини бир қатор янги ўйинчилар билан тўлдиришга уриндик, — дейди Ҳамиджон Ғуломович. — Биринчи даврада “Қизилқум” жамоасида тўп сурган ярим ҳимоячи Сарваржон Холматов, украиналик легионерлар Андрей Деркач, Вячеслав Шевченко бошқа клубларга ўтди. Уларга клубимиз номидан кейинги фаолиятларида омадлар тилаймиз. Жамоамизни тарк этган ўйинчилар ўрнига Ҳамза Каримов, Эркин Бойдуллаев (“Насаф”), Неманья Йованович (“Андижон”), Воҳид Шодиев (“Перак”, Малайзия), Жасур Ҳасанов (“Локомотив”), Шукур Жумабоев (“Цементчи”)ларни таклиф этдик.

Ёзги таътилни бошқаларга нисбатан барвақтроқ якунлаяпмиз. Чунки бугун 13-турнинг қолдирилган ўйинида Тошкентнинг “Локомотив” футболчиларига қарши майдонга тушамиз. Жамоамиз иккинчи даврага асосан пойтахтимизда ҳозирлик кўрди. Кўплаб янги футболчиларни кўрикдан ўтказдик. Клубимиз мураббийлар штабига маъқул бўлган ўйинчилар билан шартномалар имзоланди.

Жамоамиз ва мухлисларимизнинг иккинчи даврадан умидлари жуда катта. Мавсумнинг иккинчи ярмига юқори савияда тайёргарлик кўриш учун Навоий вилоят ҳокимлиги ва хомийларимиз томонидан барча шарт-шароитлар муҳайё қилиб берилганлигини алоҳида таъкидламоқчиман.

Бугун чемпионат пешқадамларидан бирига қарши майдонга тушамиз. Шу боис, учрашув осон кечмаслигини тахмин қилиш қийин эмас. Олдинда — барчамизни шиддатли ўйин кутмоқда. Унда чиройли футбол намойиш этиб, Тошкентдан ижобий натижа билан қайтишга ҳаракат қиламиз. Таркибимизда жиддий йўқотишлар йўқ. Йигитларимизнинг кайфияти аъло даражада. Шундай экан, барча мухлисларимизни стадионга таклиф қиламиз.

Эслатиб ўтамиз, «Локомотив» — «Қизилқум» жамоалари учрашуви бугун, яъни, 28 июль куни соат 20.00 да бошланади. Учрашув пойтахтимиздаги ТТЙМИ стадионида бўлиб ўтади.

«Қизилқум» ПФК Матбуот хизмати.
Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика