Ҳамиджон Актамов матбуот анжуманида мухлисларга мурожаат қилди!

- Ғалаба учун барчага раҳмат. Тошкентга фақат ғалаба мақсадида ташриф буюргандик. Худога шукур, муҳим уч очкони қўлга киритишни уддаладик. Авваламбор Навоийдан келган 500дан ортиқ мухлисларимизга катта раҳмат айтмоқчиман. Улар бизни жуда фаоллик билан қўллаб-қувватлашди. Футболчиларимиз барча берилган кўрсатмаларни тўлиқ бажаришди. Тан олиш керак, бугун жамоамиз кучли ўйнади. "Бунёдкор"га нисбатан бизда гол уриш учун вазиятлар кўп бўлди. Ўйинга ўз режамиз бор эди. Бизда "А" режа ҳамда "Б" режа учрашув бошланиши олдидан мавжуд эди, - деди Ҳамиджон Актамов.

Шу ўринда "Қизилқум" бош мураббийи Ҳамиджон Актамов мухлисларга алоҳида мурожаат қилди:

- Мухлисларга илтимос қиламан, футболда ғийбат, футболчилар, мураббийларни орқасидан гап қилиш керак эмас. Футболчилар ҳам, мураббийларни ҳам руҳан кўтариш керак. Қачонки уларни руҳан кўтариб, уларга далда берсак, футболимиз ривожланади. Футболда кўп нарса руҳий томонлама тайёрланишга боғлиқ. Ҳозир барча футбол ўйнашни билади. Шуни илтимос қилардимки, мени бу гапларимни барча ўқишини, эштишини илтимос қиламан. Бошқа гапим йўқ. Бизга ғалаба керак эди ва буни уддаладик. Бу футбол. Унда кимдир ютади, кимдир эса ютқазади. "Бунёдкор"га кейинги баҳсларда омад тилайман.

Жасур Ҳасанов ҳам, Артур Геворкян ҳам зўр ўйнашди. Уларнинг бугунги ғалабага қўшган ҳиссалари салмоқли. Футболчиларимга мени кўзим билан қаранг, улар қандай зўр ўйнашганини кўрасиз.