Ҳамиджон Актамов: «Мақсад - фақат юқорига!»
10 авг 2016 13:12
Янгиликлар

Ҳамиджон Актамов: «Мақсад - фақат юқорига!»

Олий лига 17-туридан жой олган «Қизилқум» — «Шўртан» жамоалари (2:0) учрашувидан сўнг, мезбонлар бош менежери Ҳамиджон Актамов ўз фикрлари билан ўртоқлашди.

"Қимматли уч очкони қўлга киритдик. Шукурки ҳеч қайси футболчи жароҳат олмади. Таркиб 50 фоизга ўзгарган. Шу боис футболчилар ўзаро тил топишиб кетиши учун озгина вақт керак. Барча футболчилар яхши ўйнади, эътироз йўқ.

"Шўртан" жуда тартибли жамоа. Агар вазиятларимиздан фойдаланганимизда ҳисоб янада йирикроқ бўларди. 2:0дан кейин футболчилар бироз сусайишди.

Стадионга мухлисларни қайтараяпмиз. Насиб қилса кейинги баҳсларда стадионимиз тўлиб тошади. Мухлисларимизга алоҳида раҳмат, улар бугун ўзгача қўллаб қувватлашди. 12 август куни Тошкентга йўл оламиз. "Олмалиқ" билан ўйнаб кейин "Обод"ни ўз уйимизда қабул қиламиз. Кейин "Пахтакор" билан ўйнаймиз. Алишер Юсупов ва Отабек Нарзуллаевнинг жароҳатлари у қадар жиддий эмас, яқин орада улар майдонга қайтишади.

Мақсадимиз ўзгармайди, фақат юқорига!", - дейди Ҳамиджон Актамов.

"Қизилқум" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +11