Гвардиола: "Клопп бошқарган жамоалар кучлироқ мураббий бўлишимга ёрдам берган. У мени бошқа даражага олиб чиқди"
01 окт 2021 21:11
Янгиликлар

Гвардиола: "Клопп бошқарган жамоалар кучлироқ мураббий бўлишимга ёрдам берган. У мени бошқа даражага олиб чиқди"

"Манчестер Сити" бош мураббийи Пеп Гвардиоланинг таъкидлашича, "Ливерпуль" ва клуб мураббийи Юрген Клопп билан қарама-қаршилик уни профессионал даражага олиб чиққан.

"Юрген Клопп бошқарган жамоалар яхши мураббий бўлишимга ёрдам берди. У мени бошқа даражага олиб чиқди — мени ўйлашга, ўзимни исботлашга, яхшироқ бўлишга мажбур қилди. Бу мен ҳали ҳам ўз ишимнинг устида тер тўкишимнинг сабабларидан бири.

Англияга келганимдан бери "Ливерпуль" ҳар доим юқори даражада бўлган. Охирги тўрт йил мобайнида биз ва улар доим юқори поғоналарда бўлдик. Бу мақтовга сазовор натижа.

Аммо Премьер-лигада кўплаб жамоалар чемпионлик учун курашиши мумкин, бир ёки икки клуб эмас", — дейди испаниялик мутахассис.

Эслатиб ўтамиз, АПЛнинг 7-туридан ўрин олган "Ливерпуль" — "Манчестер Сити" учрашуви 3 октябрь куни, Тошкент вақти билан 20:30 да бошланади.

Ҳавола :

Манба : BBC Sport

Янгиликларни Телеграмда ўқинг!

Рейтинг: +17