Гвардиола Алонсо ҳақида: "Реал" ва "Барса"га мураббийлик қилиш – энг қийини. Хаби бу вазиятдан чиқиб кетишга қодир"

Кеча "Реал" "Сити"га қарши ўйинда муваффақиятсизликка учраса, Алонсони истеъфога чиқариши мумкинлиги, бош мураббий ва футболчилар ўртасидаги муносабатлар бузилганлиги ҳақида хабарлар тарқалди. Хабининг ўрнига асосий номзодлар - Зинедин Зидан ва Юрген Клопп. Шунингдек, "оқ кийимлилар" рўйхатида Альваро Арбелоа ҳам бор. "Реал" "Селта"дан мағлубиятга учрагач (0:2), Ла Лига турнир жадвалида "Барселона"дан 4 очко орқада қолди. Пеп Гвардиолага эса Хаби Алонсо ҳақида саволлар берилди.

- Эртага Хабининг иши хавф остида қолиши мумкинлиги сизни ажаблантирмайдими?

- Йўқ... Сиз мендан Хабининг келажаги ҳақида сўраяпсиз, мен эса унга энг яхши тилакларни билдираман, чунки уни жуда ҳурмат қиламан. Лекин жавобини билмайман. Вазиятни биласиз-ку, мен бу ерда яшамайман ва узоқдаман.

- Сиз ҳозир Алонсонинг аҳволига ачинаяпсизми?

- Албатта. Биз "Бавария"да икки ярим йил бирга ишлаганмиз ва бу ажойиб эди. Бизда умумий жиҳатлар кўп эди.

Аммо "Барселона" ва "Реал" - босим ва муҳит туфайли мураббий учун энг қийин клублар. Мавсум оғир кечмоқда ва ҳамма нарса ғалабалар атрофида айланмоқда... Ғолиб бўлмасанг, нима бўлишини биласан. Ўтган мавсумда мен билан ҳам шундай бўлганди. Аммо Хаби бу вазиятдан чиқиб кетишга қодир.

- Алонсога қандай маслаҳат берган бўлардингиз?

- Ўз ишини қилаверсин. Унинг ҳамма иши жойида бўлади, мана кўрасиз.

- Хаби бошчилигидаги бу "Реал" жамоасини сизникига қиёсласа бўладими?

- Ҳеч қайси жамоа меникига тенг келолмайди, менинг жамоаларим ажойиб. Ҳар бир жамоа ўзига хос. Спортда доимо қадам-бақадам ўсиб бориш керак. Турли босқичлар бор. Мавсум давомида ривожланганлар ғолиб бўлади. Бу жараёнда жароҳатлар, кутилмаган вазиятлар ва бошқалар туфайли ўйин даражаси пасайган пайтлар ҳам бўлади. Мен октябрда жамоа сентябрга қараганда яхшироқ бўлишини ва шундай давом этишини хоҳлайман. Мавсум якунида эса якуний хулоса чиқарилади, - деди Гвардиола.