Ғулом Ўрунов: “Бирдамлик ғалабамиз омили бўлди”
25 апр 2016 10:31
Янгиликлар

Ғулом Ўрунов: “Бирдамлик ғалабамиз омили бўлди”

Олий лиганинг 6-туридан ўрин олган “Андижон” – “Сўғдиёна” (3:0) учрашувидан сўнг мезбонларнинг таянч ярим ҳимоячиси бўлмиш Ғулом Ўрунов баҳс ҳақида ўз фикрларини билдириб ўтди.

- Ўтган турда “Бухоро”дан учралган аламли мағлубиятни тезроқ унутиб, ўз майдонимизда кечадиган қийин ўйинга муносиб равишда тайёргарликка кўргандик. Мухлисларимизни фақат ғалаба билан хурсанд қилишимиз шарт эди. Акс холда бизга кейинчалик яна қийин бўларди. Буни учрашув аввалида мураббийлар ҳам таъкидлаб ўтганди. Шу боис барчамиз бирдам бўлиб, харакат қилдик.

- Гарчи йирик ҳисобда ғалаба қозонган бўлсакда, учрашув жамоамиз учун қийин кечди. “Сўғдиёна” ҳам яхши курашчан, жамоа сифатида шакллангани кўриниб турибди.

- Юқорида таъкидлаб ўтганимдек, бирдамлик ғалабамиз омили бўлди. Жамоамиз таркиби бу йил янгитдан ташкил топди. Аста-секин ўз ўйинимизни топиб бормоқдамиз. Шу ўринда бизни сафар ва уй учрашувларимизда ажойиб тарзда қўллаб-қувватлаб келаётган ашаддий ишқибозларимизга миннатдорчилик билдирамиз. Уларнинг олқиши ҳам биз учун жуда муҳим.

“Андижон” матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +1