ГФИ президенти: "ЖЧ-2018 олдидан Лёв билан янги шартнома тузиб тўғри қилганмиз"
28 июн 2018 13:05
Янгиликлар

ГФИ президенти: "ЖЧ-2018 олдидан Лёв билан янги шартнома тузиб тўғри қилганмиз"

Германия футбол иттифоқи Жаҳон чемпионати-2018 олдидан бош мураббий Йоахим Лёв билан янги шартнома тузиб тўғри қилган.

Бундай фикрни иттифоқ президенти Райнхард Гриндель айтиб ўтди. Лёв билан янги келишув 2022 йилгача мўлжалланган.

Кеча Шермания терма жамоаси ўз тарихида биринчи марта Жаҳон чемпионатида гуруҳдан чиқа олмади. Немислар амалдаги чемпион сифатида Жанубий Кореяга 0:2 ҳисобида имкониятни бой бериб қўйишди ва ўз гуруҳларида сўнгги ўринни эгаллашди.

"Ҳафсаламиз пир бўлди. Бизни Россияда қўллаб-қувватлаган мухлисларга ачиняпмиз. Яқин вақтларда бўлиб ўтган нарсаларни таҳлил қиламиз, ундан сўнг Лёв билан гаплашамиз ва керакли хулосаларни чиқарамиз. Бундан ташқари, мен Лёв билан Жаҳон чемпионати бошлангунга қадар янги 4 йиллик шартнома имзолаб тўғри қилганимизга ишонаман", - деди Гриндель.