Германия суперкубоги: "Бавария" "Айнтрахт"ни тор-мор этди ва мавсумни соврин билан бошлади
13 авг 2018 01:20
Янгиликлар

Германия суперкубоги: "Бавария" "Айнтрахт"ни тор-мор этди ва мавсумни соврин билан бошлади

Теглар : Бавария

Германия суперкубоги учрашуви доирасидаги учрашувда "Айнтрахт" "Бавария" билан куч синашди ва йирик ҳисобда имкониятни бой берди.

Нико Ковач "Бавария" рулидаги илк учрашувида ғалаба қозонди ва Германия Суперкубоги совринини қўлга киритди.

Қизиғи, Ковач "Айнтрахт" бош мураббийи сифатида ҳам охирги ўйинини ўшандаги бўлажак жамоаси "Бавария"га қарши ўтказиб, Германия кубоги финалида ғалабани тантана қилганди. "Бавария"даги дебют баҳсида эса собиқ жамоасини ранжитди. Шу тариқа Ковач "Айнтрахт"даги сўнгги ва "Бавария"даги илк учрашувида ғалаба қозониб совринларга эга чиқди.

"Бавария" кетма-кет еттинчи йили Суперкубок баҳсида иштирок этди ва умумий ҳисобдаги еттинчи Германия суперкубогини қўлга киритди.

Германия суперкубоги.

"Айнтрахт" - "Бавария" 0:5

"Коммерцбанк-Арена" стадиони.

Бош ҳакам: Марко Фриц

Голлар: 0:1 – 21 Левандовски, 0:2 – 26 Левандовски, 0:3 – 54 Левандовски, 0:4 – 63 Коман, 0:5 – 85 Алькантара.

Айнтрахт Ф – Реннов, Сальседо, Виллемс, да Кошта, Абраам, де Гузман (Ребич, 64), Хасебе, Гачинович, Торро, Фабиан (Блум, 64), Аллер (Йович, 76).

Бавария – Нойер, Зюле, Алаба, Киммих, Хуммельс, Роббен (Коман, 58), Алькантара, Мартинес, Рибери, Мюллер (Горетцка, 64), Левандовски (Вагнер, 72).

Огоҳлантиришлар: Хуммельс (45), Абраам (70).