UZ

Сўнгги янгиликлар

13:59Швайнштайгер ҳозир қаерда?  6 13:56Расман: "Боруссия" Дортмунд янги ўйинчи ҳарид қилди  0 13:54Спортчилар ижтимоий тармоқларда (18 та сара сурат)  0 13:47Жаҳонгир Усмоновни табриклаймиз!   7 13:36Ўзбекистон терма жамоаси футболчилари Snapchat иловасининг машҳур фильтрида  21 13:27Эриксен ЧЛ финалидан сўнг "Реал" футболчиси сифатида таништирилади  11 13:14"Локомотив" - "Ал Райан" учрашувига оид маълумотлар  14 13:10Испан журналисти Неймарнинг вакиллари "Реал" билан музокаралар ўтказаётганлини маълум қилди  14 12:43Чехиялик журналист "Пахтакор"нинг ОЧЛдаги иштироки ҳақида фикр билдирди  113 12:40ОАВ: МЮ "Бенфика"нинг 19 ёшли футболчиси учун 105 миллион фунт тўлашга тайёр  7 12:28"Челси" Саррини истеъфога чиқаради ва унинг ўрнига клуб афсонасини олиб келади  17 12:08Жиру: "Арсенал"? Энди менинг қоним кўк рангда"  6 12:00Осиё чемпионлар лигасида кейинги босқичга чиққан 12та жамоа маълум  31 11:52"Атлетико" Россия терма жамоаси футболчисига қизиқмоқда  2 11:38Батистута мураббийлик қилмоқчи  3

Футбол тарихига саёҳат: Ахбор Имомхўжаевнинг янги китоби дунё юзини кўрди Янгиликлар

Футбол тарихига саёҳат: Ахбор Имомхўжаевнинг янги китоби дунё юзини кўрди

Бугун Ўзбекистон Миллий олимпия қўмитасида Ахбор Имомхўжаевнинг "Аср футболидаги асл қадрдонларим" номли китобининг тақдимоти бўлиб ўтди.

Таниқли футбол фахрийси, ўзбек футбол шарҳловчилиги мактабининг асосчиларидан бири, Ўзбекистонда хизмат кўрсатган ёшлар мураббийи, Республика тоифасидаги ҳакам, "Олтин қалам" миллий мукофоти лауреати, халқ таълим аълочиси Ахбор Имомхўжаев ушбу китобни ўзбек футболининг 100 йиллигига бағишлаб чоп этди.

Тақдимот маросимида турли йилларда Ўзбекистон футбол федерациясини бошқарган мутассаддилар Гелий Согонов (ХХ аср 80-йиллар), Абдуҳошим Муталов (1992-95 йиллар), Зокиржон Алматов (1995-2005 йиллар) ва бугунги кунда Миллий олимпия қўмитаси президенти ва ЎФА биринчи вице-президенти Умид Аҳмаджонов, шунингдек, МОҚ ҳамда ЎФА раҳбарияти ва жамоаси, спорт фахрийлари, муаллифнинг яқинлари ҳамда ҳамкасблари, шунингдек, ОАВ вакиллари иштирок этишди.


Таъкидлаш жоиз, китоб Миллий олимпия қўмитаси ва Ўзбекистон футбол ассоциацияси кўмаги остида нашрдан чиқди. Унга кириш сўзи МОҚ президенти Умид Аҳмаджонов томонидан ёзилган.

800 саҳифадан иборат ушбу китобда ўзбек футболига оид кўплаб тарихий материаллар, хотиралар, қизиқарли фактларни кўришимиз мумкин. Шунингдек, унда футболимиз тарихида ёрқин из қолдирган мураббий, футболчи, ҳакам, мутахассис ва спорт журналисти сифатида фаолият олиб борган машҳур инсонлар ҳақида ҳам қатор қимматли маълумотлар учрайди. Бу ҳақида тадбир давомида сўзга чиққан МОҚ президенти Умид Аҳмаджонов алоҳида тўхталиб ўтди.

"Ўзбекистон футбол ассоциацияси бошқарувига келган дастлабки кунларимданоқ Ахбор ота билан учрашиб, уларнинг 10 йилдан кўпроқ вақт давомида ўзбек футболи тарихини ўзида мужассам этган катта китоб-энциклопедия ёзганларидан хабар топгандим. Очиғи бундан жуда таъсирлангандим, чунки бутун бир миллат футболи хақида китоб ёзиш, ёш авлодга ўзбек футболига пойдевор қўйган мутахассислар хақида ҳикоя қилиб бериш, улар номини тарихга мухрлаш ҳар кимнинг ҳам қўлидан келавермайди. Бу жуда катта меҳнат, ирода, куч-ғайрат ва албатта вақт талаб қилишини барчамиз яхши тушунамиз. Шукрки, бугун ана шу китоб нашрдан чиқди. Ўзбек футболи тарихида хали бу қадар катта, энциклопедик характерга эга китоб чоп этилмаганди ва бу борада "Аср футболидаги асл қадрдонларим" китоби биринчи бўлди. Фурсатдан фойдаланиб, Ахбор отага юртимиз футбол аҳлига ана шундай ноёб адабиёт тортиқ этганликлари, қолаверса қилган машаққатли меҳнатлари, ўтказган уйқусиз тунлари учун Миллий олимпия қўмитаси ва Ўзбекистон футбол ассоциацияси номидан чукур ташаккур изҳор қиламан", – деди Умид Аҳмаджонов.

Китоб "Янги аср авлоди" нашриёти томонидан чоп этилган бўлиб, уни футбол энциклопедияси деб ҳам аташ мумкин. Унда сиз ҳеч қаердан тополмайдиган ноёб ва қимматли маълумотларни учратишингиз мумкин. Тадбирда иштирок этган нашриёт бош директори Эркин Абдураҳмонов муаллифнинг 12 йиллик меҳнат маҳсули ўзбек спортининг ривожига улкан хисса қўшишини айтиб ўтди.

"Одатда спорт шарҳловчиларида чиройли нутқ ва сўз бойлиги кўп дейишади. Аммо шундай пайтлар бўладики, ҳаяжон сабаб сўз топа олмайсан. Ҳозир айнан шундай вазиятдаман. Ёшлик йилларимда, бир кун келиб ўзбек футболининг ривожига хисса қўшган инсонларга ўз миннатдорчилигимни изҳор этган ҳолда уларга дастхатим туширилган китоб совға қилишни орзу қилардим. Бугун мана шу орзуйимга етишмоқдаман. Худо куч-қувват бериб, соғ юрсам, нафақат футбол, балки санъатнинг опера йўналиши ҳақида ҳам китоб ёзмоқчиман. Бугун тақдимоти ўтаётган китобим 1912 йилдан бошланган ўзбек футболи тарихини ўз ичига олади. Унда футболимиз ривожига хисса қўшган 261 нафар шахс тилга олиб ўтилган. Фурсатдан фойдаланиб, унинг чоп этилишида ёрдам берган МОҚ президенти ва ЎФА биринчи вице-президенти Умид Аҳмаджоновга ўз миннатдорчилигимни билдириб қоламан", – деди Ахбор Имомхўжаев.


Тақдимот маросимининг сўнгида Ахбор ота ўзбек футболининг ривожига қўшган хиссаси учун бир қатор фахрий инсонларга янги нашрдан чиққан китоби ва ўзи тайёрлаб келган эсдалик совғаларини тақдим қилди. Ана шундай совғалар шунингдек, Биродар Абдураимов, Миржалол Қосимов ва Равшан Эрматов каби футболимиз юлдузларига ҳам насиб этди.


"Спортга боғлиқ мана шундай тадбирда иштирок этганимдан мамнунман. Бу ўзбек футболи учун унутилмас кун. Боиси биз билган, биз севган Ахбор ота Имомхўжаев ўзбек футболига оид яна бир катта китобини тақдим қилдилар. Тарихсиз келажак йўқ дейишганларидек, ёш футболчиларимиз ўтмишдаги қаҳрамонлари ҳақида маълумот олишларида ушбу китобнинг ўрни беқиёс. Устоз Ахбор Имомхўжаевга ажойиб совға учун ташаккур айтиб қолмоқчиман. Албатта, бу киши ижоддан тўхтамай, чарчамасдан, соғ-омонликда мана шундай ноёб китоблар устида иш олиб боришларини хоҳлаб қолардим", – деди Равшан Эрматов.

Таъкидлаш лозимки, Ахбор Рустамович ушбу китоб устида роппа роса 12 йил ишладилар. Ўзбек футболи энциклопедияси, деб аташ ҳам мумкин бўлган мазкур адабиётнинг чоп этилиши нафақат муаллиф ҳаёти, балки ўзбек футболи тарихида ҳам муҳим аҳамиятга эга. Тақдимот якунига етгач, меҳмонлар ушбу дурдона китобни харид қилиб, муаллифнинг ўзидан эсдалик учун дасхат қўйдириб олишди.

Рейтинг: +11   

Фикрлар

+3   
16 апр 16:36:59
Албарс
Насиб булса китоб дуконида учратсам, албатта сотиб оламан.
+1   
16 апр 16:34:33
Албарс
Отахон омон булсин, 100 га кирсин!
   
16 апр 20:00:50
Абдуллох
Нимага инсонларни юзлаб минглаб қилган яхши ишлари эсга олинмий, битта қилган хатоси эсланади.Ёки орамизда умуман хато иш қилмийдиган мукаммал инсон борми.Ҳар биримизда хато нуқсоним борку.Инсонни яхши томонини эсга олийлик.
   
16 апр 19:53:06
Абдуллох
Azizbek Baxramov фойдаланувчининг фикрига жавоб бериш
Bu odam bilan bir marta 2012 yil gaplashganman ijodiy suhbatda to'g'risi ozgina yoqmagan ham qaysi kamanda kuchli bo'lsa shu tarafda turvoladigan odam bo'lib yodimda qolgan bunyodkor kuchli davrida bunyodkorchi bo'lib olganligi uchun
Асл сабабини билмасдан тош отиб нима қиласиз.Айбини билган тақдиризда ҳам сирини очиб нима қиласиз.Яхши томонини ёзинг.Сиз кимнидур айбини яширсез, Оллоҳ сизни айбизни яширади.Шу инсон Бунёдкорга ўтиб кетган вақтда Пахтакор кимни қўлида эди.Шу томонини ҳам азгина ўйлаб фикр қилиб кўринг.Узр.
   
16 апр 18:11:11
MAROUANE CHAMAKH 11
рахмат дода китоб учун.сизга узок умр тилайман
   
16 апр 17:58:18
17чи профил
Бу одам футбол шархласа стадионга бориши кераги йук эди шунаканги берилиб шархлардиларки ютказаетган пайтлари койиб хам берардилар овозлариям жарангдор эди хозиргилар ухлаб футбол шархлайди,уша пайтлари бу одамга марказий твда ишлайдиган николай озеров ва мослоченка деган шархловчилар тенглаша оларди,ман пахтакор79ни билмайман кабаев динисов пятницкие мустофо белолов нуриддин амриев варатар яновские афсонавий хужимчи ссср чемпионати тупурарларидан бири андерий якубук уйнаган пайтлари иштиван сикич мурбийлиги пайтида гдето 10ешларимда футболга ошно булганман ахбор акани купгина шархларини тинглаб катта булганмиз афсуски бу одамга ухшаш шархловчи халигача бизда йук
   
16 апр 17:57:46
ФАН
Биз Узбек футболи деганда Ахбор Имомхужаевни, Ахбор Имомхужаев деганда Узбек футболини тушунамиз.
Янги китоблари дунё юзини куриши ва бугунги такдимот маросими б/н чин дилдан кутлайман.
Доимо сог-саломат юринг, Умрингиз узок булсин.

УФА га таклифим: Шу отахонимиз томонидан ёзилган олтинга тенг барча китобларини бугунги кунда стадионларимизда ташкил этилган ва хозирда ишлаб турган клуб дуконларида хамёнбоб нархларда сотуви йулга куйилса яхши буларди ва бу албатта биз мухлисларга сотиб олиш у/н жуда хам кулай буларди.
Олдиндан рахмат.
   
16 апр 17:57:19
антакия
Azizbek Baxramov фойдаланувчининг фикрига жавоб бериш
Bu odam bilan bir marta 2012 yil gaplashganman ijodiy suhbatda to'g'risi ozgina yoqmagan ham qaysi kamanda kuchli bo'lsa shu tarafda turvoladigan odam bo'lib yodimda qolgan bunyodkor kuchli davrida bunyodkorchi bo'lib olganligi uchun
мен хам шунака гап сузларни эшитганман бирга ишлашган хамкасблари тенкурлари томонидан давр тарозиси кайси томонга огса уша томонга подевка кип кетади узини мустакил фикрлари йук дегандай лекин бу инсонни якиндан билмайман хеч кандай гаразлигим йук умрлари узок булсин сихат саломатлик тилайман
   
16 апр 17:40:46
Azizbek Baxramov
Bu odam bilan bir marta 2012 yil gaplashganman ijodiy suhbatda to'g'risi ozgina yoqmagan ham qaysi kamanda kuchli bo'lsa shu tarafda turvoladigan odam bo'lib yodimda qolgan bunyodkor kuchli davrida bunyodkorchi bo'lib olganligi uchun
   
16 апр 17:29:44
Шухрат Эргашев
Имомхужаевлар сулоласига хурматимиз баланд, Ахбор ота хозирги ишлари билан биз ёшларга, хозирги авлодга жуда катта урнак, хеч булмаса китобларини укиш насиб этсин!!!
   
16 апр 17:09:08
Isroiljon Qosimov
O'zbek futboli XD фойдаланувчининг фикрига жавоб бериш
Qanaqa boboy divos Axbor ota divurin Umrlari uzoq bo'lib yoshlari 100 oship yursinla!
Яхши гапдан ҳам кир қидирма. Невара чеваралари бобо дейдими, шунга бобой дедим, гапинг бор ми
   
16 апр 16:57:18
Saidakbar Beckham
Uzbek futboliga shu insondaka jon kuydiradogan inson yoq bo’lsa kerak. Pahtakor 79 ni har eslaganlarida ko’z yosh bn eslilla. Uzbek futbolida chin dildan ishlagan menhnatini ayamagan inson, umrini Uzb futboliga atagan inson. Allah umrizni uzoq barokatli qilsin.
   
16 апр 16:55:32
O'zbek futboli XD
Isroiljon Qosimov фойдаланувчининг фикрига жавоб бериш
Бобой зўр инсонде, шу инсонни ўзбек футболининг тирик архиви, деб ўйлайман.Умриз узок бўлсин илохим
Qanaqa boboy divos
Axbor ota divurin
Umrlari uzoq bo'lib yoshlari 100 oship yursinla!
   
16 апр 16:54:20
Футбол бу оддий ўйин эмас
Мана шундай аждодларга муносиб бўлмаган авлод
   
16 апр 16:40:51
Isroiljon Qosimov
Бобой зўр инсонде, шу инсонни ўзбек футболининг тирик архиви, деб ўйлайман.Умриз узок бўлсин илохим
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг