Фозил Мусаев: "Турон" Суперлигада кучли учликка киришни мақсад қилган"

Кўпчилик мухлисларга яхши таниш бўлган Фозил Мусаев ҳам янги мавсумни яйпанликлар сафида бошлайди. Бугун бўлиб ўтган АГМКга(1:1) қарши ўртоқлик учрашувидан сўнг ярим ҳимоячининг фикрлари билан қизиқдик.

"Турон"га ўтишим кўпчилик учун кутилмаган бўлиши мумкин. Лекин, мен буни нормал ҳолат сифатида қабул қилдим. Ўз мақсадларига эга клуб. Гарчи, Суперлигада дебют қилаётган бўлсакда турнир жадвалида кучли учликка кириш вазифаси қўйилди. Кўпчилик ишонмаслиги мумкин. Мавсум якунида нима бўлишини кўрамиз. 

Клубнинг олдига қўйган мақсади, футболчиларга яратиб берилаётган шароитлар, мураббийлар штаби, ташкилий ишлардаги проффессионаллик каби омиллар бу жамоани танлашимда муҳим аҳамият касб этди. 

"Ҳоким кубоги"да жамоа сафида майдонга тушдим. Бироқ, жароҳат олдим. Дастлаб, бошим ёрилди. Сўнг оёғим лат еди. Умуман олганда мослашиш қийин бўлаётгани йўқ. Чемпионат баҳслари бошлангунига қадар вақт бор. Шу боис тикланишга улгураман, деб ўйлайман",- дейди Мусаев.

Абдулазиз Искандаров ёзиб олди