Феруз Муинов: "Мақсадимиз асосий таркибга муносиб эканлигимизни исботлаш"
19 авг 2016 13:25
Янгиликлар

Феруз Муинов: "Мақсадимиз асосий таркибга муносиб эканлигимизни исботлаш"

“Бухоро” - “Қўқон-1912” учрашуви олдидан Ёшлар лигаси доирасидаги баҳсида (6-0) мезбонлар жамоаси сафида фаол иштирок этиб, дастлабки гол муаллифи Феруз Муиновнинг фикрлари билан қизиқдик.

- Гарчи ҳисоб йисоб йирик бўлганига қарамай, ўйин кескин курашларга бой бўлди. Қўқон жамоаси ўринбосарлари ҳам яхши жамоа экан. Аммо улар узоқ масофа босиб келганликлари туфайлими, чарчоқ ўз сўзини айтди.

Бу спорт. Рақиб ҳолатидан қатъи назар биз ўз ўйинимизни кўрсатишимиз керак. Чунки бизда асосий мақсад ўзимизни яхши томонлама кўрсатган ҳолда асосий таркибга муносиб эканлигимизни исботлашдир.

Қолаверса, жароҳат туфайли биринчи даврани ўтказиб юборганлигим сабабли мавсумдаги дастлабки голим ўзимга нисбатан ишончни анчайин оширди.

Асосий таркиблар ўртасидаги ўйин ҳақида гапирадиган бўлсак, “Қўқон-1912” жамоаси турнир жадвалидаги ўрни нуқтаи назаридан ғалаба учун майдонга тушади. Шу боис эртага бизни муросасиз ва қизиқарли ўйин кутиб турибди, - дейди Феруз Муинов.

"Бухоро" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +1