Фердинанд: "Менимча Де Хеа кетади"

Испаниялик посбон сўнгги бир неча ўйинларни захира ўриндиғида кузатмоқда. Шу боисдан унинг ёзги трансферлар ойнаси вақтида кетиши мумкинлиги борасидаги миш-мишлар кўпайиб кетди.

"Икки вариант бор: ёки жойинг учун курашасан, ёки кетасан. Агарда Дин Хендерсон мавсумни асосий дарвозабон сифатида якунласа, де Хеа жамоада қолишига ишонмайман. Менимча, у кетади. Бу йўлда унинг маоши катталиги ҳам муҳим роль ўйнайди. Бир жамоада икки асосий дарвозабон бўлиши мумкин эмас. Бир вақтлар де Хеа биринчи рақамли посбон эди. Эндиликда Сульшер барчасини бошқача кўрмоқда", - деди Фердинанд.

"Юнайтед" 2011 йилда де Хеа билан шартнома имзолаганди. Ушбу мавсумда Давид 29 ўйинда 37 гол ўтказиб юборди ва 10 баҳсда дарвозаси дахлсизлигини сақлаб қолди.