Фақатгина олдинга! - Сульшернинг ғоялари иш бермоқда

Бир ҳафта олдин "Сити"га қарши баҳсда 28 фоиз вақт давомида тўпга эгалик қилган бўлса-да, Сульшер жамоада тўпни ушлаб туриш орқали жамоани қуришни истамоқда.

Бу жамоанинг ўтган 11 ўйинида яққол сезилишни бошлади. Энди эса мавсум коронавирус эпидемияси сабабли тўхтатилди.

Сульшер қишда олиб келган Бруну Фернандеш ҳамда Одион Игало ҳам жамоанинг ўйинини янада эффективлаштирди ва энди норвегиялик мутахассис жамоанинг ўйини янада ёқимлироқ бўлишига ишонмоқда.

"Тўп оёғига тушганидан кейин футболчилар тўпдан максимал равишда фойдали фойдаланишларини доимо талаб қиламан. Паслар олдинга, ҳаракатлар олдинга. Жамоа шундай ўйнаши керак.

"Сити"га қарши ўйнаш биз учун жуда оғир. Агарда улар бизга тўпни 70 фоиз вақт давомида ушлаб туришимизга қўйиб беришса, буни тўғри қабул қилардим. Албатта, улар бунга кўнишмайди. Бироқ айрим жамоалар борки, тўпни рақибига ташлаб қўяди ва ўз имкониятини кутади. Бироқ бизда тўпсиў ҳам ажойиб тарзда ҳаракатланадиган футболчилар етарлича.

Масалан, Одион Игало биздаги бир неча камчиликларни ёпиб берди. Шундай типдаги ҳужумчи бизнинг ўйин услубимизга мос тушарди. Албатта, биз ривожланишимиз ва ўсишимиз керак. Мен жамоа ўйинни назорат қилиб, тезкор ҳужумга ўтишини истайман", - деди Сульшер.