Эрон билан ўйинга 20 кун қолди. Жепаров учун ташкил қилинган ўйин
23 май 2017 21:24
Янгиликлар

Эрон билан ўйинга 20 кун қолди. Жепаров учун ташкил қилинган ўйин

12 июнь куни Ўзбекистон миллий терма жамоаси Теҳронда Эрон меҳмони бўлади. ЖЧ-2018 саралаш босқичидан ўрин олган мазкур баҳс иккала жамоа учун ҳам муҳим аҳамиятга эга.

Агар биз ғалаба қозонсак, мундиалга бориш учун янада қулай имкониятга эга бўламиз. Мабодо Эрон зафар қучадиган бўлса, форслар саралаш босқичи тугашига иккита тур қолганида жаҳон чемпионати йўлланмасини ҳал қилишади.

Ўтган ҳафтанинг якшанба куни ТТЙМИ стадионида "Локомотив" ва "Бунёдкор" ўринбосарлари ўртасида ўртоқлик учрашуви ташкил қилинди. Бу ўйинда терма жамоамиз етакчиларидан бири Сервер Жепаров "Локо" либосида майдонга тушиб, 70 дақиқа ҳаракат қилди.

Мазкур баҳс Жепаровга ўйин амалиёти бўлсин деган мақсадда ташкил қилинди дея оламиз. Сервер ёшлар орасида барибир тажрибали эканлиги билан ажралиб турди. Қолаверса, голлардан бирига ҳаммуаллифлик қилди.

Эслатиб ўтамиз, Эрон - Ўзбекистон учрашуви 12 июнь "Озоди" стадионида бўлиб ўтади. Учрашув Тошкент вақти билан 21:45да бошланади.