Самарқанд вилояти ҳокими "Динамо"га янги автобусни топширди
28 мар 2019 10:49
Янгиликлар

Самарқанд вилояти ҳокими "Динамо"га янги автобусни топширди

28 март, пайшанба куни Самарқанд вилояти ҳокими Эркинжон Турдимов "Динамо" стадионига ташриф буюрди.

Шу куни эрталаб соат 9:00да стадионда бошланган тадбирда вилоятимиз ҳокими “Динамо” футбол клубига хориждан келтирилган янги замонавий автобусни тантанали тарзда клуб ихтиёрига топширдилар. Маросимда “Динамо” жамоаси мураббий ва футболчилари, фахрий мухлислар ва ОАВ вакиллари иштирок этдилар.

Автобус калитини вилоят ҳокими жамоа сардори Акмал Холмуродовга тантанали тарзда топширди.

Ўз навбатида Акмал Холмуродов жамоа номидан вилоят ҳокими ва ҳомийларга юксак эътибор учун миннатдорчилик билдирди.

"Динамо" клуби матбуот хизмати.