Энрике – йил мураббийи, Бердиев 492, Бабаян 610-ўринда!

coachworldranking.com сайти томонидан тузиб чиқилган рейтингда “Барселона” бош мураббийи Луис Энрике катта фарқ билан 2015 йилнинг энг яхши мураббийи дея эътироф этилган.

Кучли учликка ҳам испаниялик мураббийлар якун ясаб беришган. Унаи Эмери иккинчи, Хосеп Гвардиола учинчи ўринни банд этган. Ушбу рўйхатда ўзбекистонлик мураббийлардан энг яхши кўрсаткичга Рўзиқул Бердиев эга бўлган. Ўтган мавсумда “Насаф” билан илк бор Ўзбекистон Кубогини қўлга киритган Бердиев рейтингда 492-ўринда зикр этилган.

“Пахтакор”нинг эндиликда собиқ, айни пайтда Ўзбекистон миллий терма жамоаси бош мураббийи Самвел Бабаян 610, “Локомотив”нинг собиқ устози Вадим Абрамов 755, “Бунёдкор”нинг собиқ мураббийи Сергей Лушчан 839-поғонадан жой олган.

ДУНЁ МУРАББИЙЛАРИ РЕЙТИНГИ: (2015 йил якунларига кўра)

1. Луис Энрике (“Барселона”) 18896 очко

2. Унаи Эмери (“Севилья”) 13198

3. Хосеп Гвардиола (“Бавария”) 13021

4. Массимилиано Алегри (“Ювентус”) 12675

5. Рафаэль Бенитес (“Реал”) 11466...

... 492. РЎЗИҚУЛ БЕРДИЕВ (“Насаф”) 1236

610. САМВЕЛ БАБАЯН (“Пахтакор”, Ўзбекистон мтж) 927

755. ВАДИМ АБРАМОВ (“Локомотив”) 629

839. СЕРГЕЙ ЛУШАН (“Бунёдкор”) 484