Элёр Орифов: “Суғдиёна” ўтган йилги муваффақиятлар тасодиф эмаслигини исботламоқчи”

Шунга қарамай хулоса чиқаришга ҳали эрта. Боиси, бош мураббий Улуғбек Бақоев аввалги йилда нималар қила олишини барчага кўрсатиб қўйди. Биз билан суҳбатда бўлган жамоанинг тажрибали ўйинчиси ва етакчиси ғалабалар шунчаки қўлга киритилмаганини айтиб ўтди ва фикрлари билан ўртоқлашди.

“Жамоа бу йил қайтадан шаклланди. Қайсидир жабҳаларда омад ҳам биздан юз ўгирди. Суперлига давом эттирилса астойдил меҳнат қилиб йўқотилган очколарни ўрнини тўлдиришга ҳаракат қиламиз. Муборакда учралган йирик ҳисобдаги мағлубият нимага боғлиқ? “Машъал” юқори лигада кеча ёки бугун қатнашаётгани йўқ. Уларда бу борада тажриба ва малака етарлича.

Устига-устак биринчи тур бўлгани учун ҳачяжон сезилди. Ҳотиржамликка эрта берилдик. Ўтган йилги тўртинчи ўрин тасодиф эмас. Бунда барчанинг хизмати ва ёрдами тегди. Бу йил ҳам муваффақиятлар шунчаки қўлга киритилмаганини исботламоқчимиз. Оҳирги йилларда жамоамизга барқарорлик етишмади. Ҳар йил таркиб янгиланаверди.

Лекин, сўнги икки йилда ўсдик. Натижалар ижобий томонга ўзгариб борди. Ҳозирги кунда карантин вақтида сабрлик бўлишимиз зарур. Мураббийларимиздан онлайн кўрсатмаларни олиб машқларни бажриб турибмиз. Спорт формамизга кириб олишимизга бошида озгина фурсат керак деб ўйлайман”,- деди Элёр Орифов.