"Динамо" мухлислари Ғузорга боришади
12 авг 2017 09:01
Янгиликлар

"Динамо" мухлислари Ғузорга боришади

Севимли жамоалари «Динамо»ни ҳар қандай ҳолатда ҳам қўллаб-қувватлашдан тўхтамайдиган самарқандлик футбол ишқибозлари бу турда Ғузорга отланишади.

Хабарингиз бор, Олий Лига 17-тури доирасида «Динамо» Қашқадарё вилоятининг Ғузор тумани жамоаси «Шўртан»га қарши сафарда тўп суришади.

12 август кунги Ғузордаги учрашувда ҳам «Динамо»нинг ашаддий мухлислари суюкли жамоаларини қўллаб-қувватлашни мақсад қилишган. Шу мақсадда Ғузордаги ўйинда «Динамо» жамоасини қўллаб-қувватлашни ният қилган мухлислар 12 август, шанба куни соат 14:00 да Хўжа Аҳрори Вали масжиди олдидан (Сельский круг) Ғузор томон енгил автомашиналарда жўнаб кетишади.

Бизга ҳамроҳлик қилишни истовчи «Динамо» мухлислари мухлислар фаоли Шавкат Бурҳоновга (+998 97 920 24 40) қўнғироқ қилишлари мумкин.