Журналист Бен Жейкобснинг хабар беришича, "Тоттенхэм" эквадорлик футболчига қизиқиш билдирмоқда.
Маълумотларга кўра, потенциал трансфер Лондон клубидаги кадрлар ўзгариши билан бевосита боғлиқ. Илгари Эступиньян билан "Брайтон"да бирга ишлаган Роберто Де Зерби бош мураббий лавозимига даъвогарлардан бири ҳисобланади. Италиялик мураббий ҳимоячининг қобилиятларини яхши билади ва уни таркибни кучайтирадиган футболчи сифатида кўради.
Эступиньян жорий мавсум барча мусобақаларда 19 ўйинда майдонга тушиб, 1 та гол урди ва 1 та голга ассистентлик қилди.
"Тоттенхэм" 31 турдан кейин 30 очко тўплаб, лига жадвалида 17-ўринни эгаллаб турибди ва инглиз футболи элитасида қолиш учун курашни давом эттирмоқда.
