Мазкур баҳсда Френки де Йонг каталонияликлар сафидаги дебютини ўтказди. 22 ёшли хавбек иккинчи бўлимда майдонга тушиб, жамоадошларига умумий 42 марта тўп оширди ва уларнинг барчаси аниқ бўлди. Шу тариқа, де Йонг илк ўйинидаёқ пас бериш борасида юз фоизлик натижага эришди.
Аввалроқ, голландиялик футболчи «кўк-анорранглилар»нинг асосий футболчиси бўлмоқчилигини айтганди.
