Де Лигт Райолага қайси клубга ўтмоқчи эканлигини айтди

Маълумотларга кўра, 19 ёшли футболчининг агенти Мино Райола мижози учун Европанинг гранд бўлмаган клублари билан учрашувлар ташкил қилмоқчи эди. Де Лигтнинг ёшини ҳисобга олган Райола аввалига футболчини оддийроқ клубга пуллаб, бир йилдан сўнг яна бир трансфер билан чўнтагини қаппайтирмоқчи бўлган.

Бироқ Де Лигт ўз агенти режаларини бузиб юборди ва унга ёзда "Барселона"га ўтмоқчи эканлигини, шу билан бирга бошқа клублар билан музокара ўтказмаслигини айтди.

Олдинроқ, "Барселона" "Аякс" сардори учун 60 млн. евро таклиф қилмоқчи эканлиги хабар қилинган эди.