Даврон Турсунов: “Вазиятлардан унумли фойдаланганимизда камида бир очко билан қайтишимиз ҳам мумкин эди”

- Биринчи ўйин бўлгани учун озгина ҳаяжон етишмади. Иккинчи бўлимда эса ҳаммаси изига тушди. Кўрдингиз бир нечта вазиятларга эга бўлдик. Агарда улардан аниқ фойдалана олганимизда сафардан бир очко билан қайтишимиз ҳам мумкин эди.  

- Ўтказиб юборилган голларга келадиган бўлсак, биринчиси стандарт вазиятдан бўлди ва шунда қанот ҳаками байроқчасини кўтарди. Ўша вазиятда биз чалғиб қолдик ва вазиятда тўхтаб қолдик.

- Ўйинга бўлган тайёргарлик юқори даражада эди. Максимум дуранг билан қайтиб кетишни ўйлагандик. Мураббийлар ўйиндан олдин майдонга чиқиб, ишқибозларни қувонтириш учун астойдил харакат қилишимиз кераклигини уқтирганди. Буни таркибдаги йигитлар ҳам яхши тушуниб турганди.

- Андижондан келиб бизни бутун ўйин давомида тинимсиз равишда қўллаб-қувватлаб турган ишқибозларимиздан узур сўраймиз. Уларга миннатдорчилик билдираман.

- Энди кейинги учрашувни яна бир етакчи клублардан бири бўлган “Локомотив”га қарши ўтказамиз. Ўз майдонимизда мухлисларимизни хурсанд қилишимиз шарт деб ўйлайман. Асосий эътиборимизни бўлажак баҳсга қаратамиз – дейди Даврон Турсунов.

"Андижон" матбуот хизмати