Даврон Ҳошимов: "Мухлислар олдида юзимиз ёруғ бўлганидан хурсандмиз"
14 окт 2018 00:46
Янгиликлар

Даврон Ҳошимов: "Мухлислар олдида юзимиз ёруғ бўлганидан хурсандмиз"

Ўзбекистон ҳамда КХДР терма жамоалари ўртасидаги ўртоқлик учрашувидан (2:0) сўнг, миллий жамоамиз ҳимоячиси Даврон Ҳошимов баҳс ҳақида фикр билдирди.

- Бугунги ўйинга яхши тайёргарлик кўрдик. Видеолар орқали рақиб ўйинини ўргандик. Янги мураббий услубини тушунтиришди.
Ғалаба қозонганимиздан, мухлислар олдида юзимиз ёруғ бўлганидан хурсандмиз. Навбатдаги ўйинларда ишқибозлар янада кўпроқ бўлишини хоҳлаймиз.

- Эктор Купер ҳаммани синаб кўрмоқда. Бугун асосий таркибда майдонга тушишингизни қачон билдингиз?
- Тўғрисини айтсам, баҳсдан 3 соат олдин асосий таркибда бўлишимни билдим. Одил Аҳмедов билан бу ҳақида ҳазиллашишга ҳам улгурдик. Купер бошчилигидаги терма жамоага биринчи марта чақирилганлар майдонга тушишга тайёр эдилар.

- Бугунги баҳсда КХДР жуда кучсиз ўйин намойиш этди...
- Рақиб кучсиз кўрингани билан, ўйин ичидаги темп бошқача бўлади. Буёғи кучсиз жамоа бўлмайди. Бу баҳс Осиё чемпионатидан олдин тайёргарлик вазифасини ўтаб берди.