UZ

Сўнгги янгиликлар

22:31Данни Блинд "Аякс"ни тарк этади  0 22:02Расман: "Барселона" собиқ футболчиси Ашурматов ва Машариповнинг жамоадошига айланди  2 21:22U-23 Осиё Кубоги саралаш босқичи. Ўзбекистон Қирғизистон билан дуранг ўйнади  68 21:09Суперлига 21-тур ҳакамлари расмийлари маълум. Марказий тўқнашувни ким бошқаради?  1 20:30Интервью. Жоэль Кожо: "Динамо"га қайтишим мумкин эди, лекин "Истиқлол"ни фақат "Нефтчи" рози қила олди"  4 20:00УEФА 11 сентябрь куни "Вильярреал" – "Барселона" ўйини қаерда ўтиши ҳақида қарор қабул қилади  3 19:38"Барселона" футболчиси жароҳати сабаб терма жамоа ихтиёрини тарк этди  2 19:10МЮ собиқ футболчиси Англия эмас, Конго ДР шарафини ҳимоя қиладиган бўлди  0 18:55Самарқандда хайрия учрашуви: "Динамо" фахрийлари Ўзбекистон МТЖ афсоналари учрашувида 8 та гол урилди  10 18:26"Челси" "Барселона" футболчисидан умидини узмаган  1 17:54Луческу – терма жамоалар тарихидаги энг ёши катта мураббий  0 17:25U-17 халқаро мусобақаси. Ўзбекистон Канадани пенальтилар сериясига кўра мағлубиятга учратди  8 16:59Мбаппе Анрига етиб олди  5 16:35Ўзбекистон МТЖ Panini билан ҳамкорлик қилади   7 16:13ФИФА президенти CAFA Nations Cup финалига келади  10

Даврон Файзиев: "Барчасига "Насаф" айбдор" Янгиликлар

Даврон Файзиев: "Барчасига "Насаф" айбдор"

Coca-Cola Суперлиганинг 19-туридан ўрин олган "Насаф" - "Қўқон-1912" (2:1) учрашувидан сўнг меҳмонлар бош мураббийи Даврон Файзиев матбуот анжуманида иштирок этди.

Ўйин ҳақида

- Қизиқарли ўйин бўлди. Кетма-кет 7 та турдан буён дуранг ўйнаб келаётгандик. Бугун ҳам барчаси дуранг натижага қараб кетаётгандек эди. Бугун ютишимиз ҳам мумкин эди, дуранг қайд этишимиз ҳам мумкин эди. Йигитларга ўйин учун раҳмат айтаман, кучли рақиб майдонида ёмон ўйин кўрсатмадик.

- Жамоанинг биринчи бўлимда ўйини қовушмаганига нима сабаб деб ўйлайсиз?

- Барчасига "Насаф" айбдор. Ўйнашга бермади, прессинг қилди, нафас ростлашга ҳам имконият қолдирмади. Биринчи бўлимда тўп назорати учун кўрсатма бергандим, хатолар бўлди. Тўпни қабул қилиш ва узатмаларда камчиликларимиз кўзга ташланди.

- Иккинчи бўлимда ўйинни кучайтириш аввалдан ўйланган режа эдими?

- Учрашув олдидан йигитларга қўрқмасдан ўз ўйинини кўрсатишни айтгандим. Биринчи бўлимдан фарқли равишда иккинчи бўлимда кўпроқ вазиятларга эга бўлдик. 

- "Қўқон-1912" жамоаси бу йилги мавсумда муваффақиятли қатнаша олмаётганига нима сабаб деб ўйлайсиз?

- Буни билганимда албатта айтардим. Ўйинларимизни кузатиб бораётган бўлсангиз, ҳеч бир учрашувда рақибдан вазиятлар яратиш бўйича қолишаётганимиз йўқ. Масалан, "Нефтчи", "Навбаҳор", "Олимпик" ва АГМКга қарши ўйинларда вазиятлардан фойдалана олмаган холатлар кўп бўлди. Хатто пенальтидан ҳам гол ура олмадик.

Бугунги ўйинда бизда йўқотишлар бор эди. Масалан марказий ҳимоячи Иван Йосовичнинг бизга катта фойдаси тегиши мумкин эди. Бундан ташқари Анвар Ҳожимирзаевда ҳам жароҳат бор эди.

- Ўйин сўнгида ҳакамларга жиддий эътироз билдирдингиз. Вазият якунида сизга сариқ карточка ҳам кўрсатилди...

- Ўйин эмоцияларида бунақа холатлар бўлиб туради. Биз захирадан футболчини майдонга туширмоқчи эдик, ён ҳакам буни бош ҳакамга маълум қилди. Аммо бош ҳакам эшитгиси келмади ва ўйинни давом эттиришни сўради. Мен шу вазият учун эътироз билдирдим. Қизишиб кетган бўлсам узр сўрайман. Бунақа эмоциялар бўлмаса футболда ишлашнинг ҳожати йўқ.

Рейтинг: +32   

Фикрлар

championat.asia
< сўнгги янгиликларни кўриш
Яндекс.Метрика