Даврон Абдураҳмонов: "Динамо"га жиддий қаршилик кўрсатдик"
02 дек 2021 20:29
Янгиликлар

Даврон Абдураҳмонов: "Динамо"га жиддий қаршилик кўрсатдик"

Футзал бўйича Олий лиганинг 3-тур учрашувлари бошланди. Дастлабки куннинг илк баҳсида чемпионлик курашаётган АГМК клуби "Динамо"га қарши майдонга тушди.

Қизиқарли кечган баҳсда 3:2 ҳисобида олмалиқликлар ғалаба қозонишди. Учрашувдан сўнг клуб етакчи футзалчиси Даврон Абдураҳмонов фикрларига қулоқ тутдик.

"Ўйин олдидан рақиб жиддий қаршилик кўрсатишини билардик. Чунки "Динамо"да ёшлар кўпчиликни ташкил этади. Кутилганидек, қийин баҳсни ўтказдик. Аммо жамоамиз футзалчилари ғалаба қозониш учун охиригача ҳаракат қилишди. Шу боис уларга миннатдорчилик билдираман.
Мазкур ўйинда ғалаба қозонишимиз муҳим эди. Биз қолган икки ўйинда ҳам муваффақиятга эришмоқчимиз. Айнан шундай мақсадларни олдимизга вазифа қилганмиз", - дея сўзини якунлади Абдураҳмонов.

Ҳавола :

Манба : championat.asia

Янгиликларни Телеграмда ўқинг!

Рейтинг: