Coca Cola Суперлига. ОКМК “Бунёдкор” билан 13 март куни майдонга тушади
22 фев 2023 14:49
Янгиликлар

Coca Cola Суперлига. ОКМК “Бунёдкор” билан 13 март куни майдонга тушади

Coca Cola Суперлига 2-туридан ўрин олган “Бунёдкор” — ОКМК ўйини санаси “Бунёдкор” стадиони U20 Осиё кубогига мезбонлик қилаётгани, қолаверса, ОКМК жорий мавсум “Жар” стадионидан фойдаланаётгани ва мазкур стадион ҳам халқаро ўйинларга хизмат қилаётганидан келиб чиқиб, ноаниқ бўлиб турганди.

Лига тақвим жуда зич эканлиги сабабли “Бунёдкор” клубига мазкур учрашув учун бошқа стадион топиш масаласида таклиф билан чиқди. Бироқ Тошкент жамоаси бу борада конкрет фикр билдирмади. ОКМК эса август ойида Чемпионлар лигаси саралашида иштирок этиши, қолаверса, ФИФА кунлари сабаб тақвимда мураккабликлар бор эканлигини тушунгани ҳолда 2-турда “Бунёдкор”ни мезбон сифатида “Пахтакор” аренасида қабул қилишга тайёр эканлигини маълум қилди.

Шундан келиб чиқиб, 2-тур доирасидаги беллашув ОКМК — “Бунёдкор” мақомида “Пахтакор” стадионида 13 март куни бўлиб ўтиши юзасидан қарор қабул қилинди. Маълумки, 11 март санасида мазкур стадионда “Сурхон” — “Андижон” учрашуви ўтказилади. Ўз навбатида ИИ даврада ОКМК ўзаро ўйин учун “Бунёдкор” стадионига ташриф буюради.

Ҳавола :

Манба : pfl.uz

Янгиликларни Телеграмда ўқинг!

Рейтинг: