Чемиртан энди "Навбаҳор"га келди, Лепосавич ниҳоят кетди

Бугун футболчиларимиз навбатдаги машғулотни якунлашди. Аввал хабар бериб ўтканимиздек, таркибда бир қатор футболчилар кўрикдан ўтишмоқда. Йиғин аввалида Шихов, Мелибоев, Георгиев сафга қўшилишган бўлса кейинроқ Азамат Бобожонов ҳам мураббийлар ихтиёрига етиб келганди. Бугун таркибга молдовалик яна бир футболчи Вадим Чемиртан ҳам қўшилди. Ушбу футболчи бироз олдин “Бухоро” жамоасига жалб қилинганди. Эндиликда Чемиртан “Навбаҳор”да кўрикдан ўтмоқда. Бўйдор футболчини ҳужум чизиғида ҳаракат қилишини қўшимча қилиш жоиз. Молдовалик 27 ёшли ҳужумчининг сўнгги клуби “Верис” бўлади. Шунингдек, у фаолияти давомида "Академия", "Костулень", "Тигин", "Искра-Сталь", ФК "Тирасполь", "Динамо" (Бендера) ва "Нистру" клублари сафида ҳам тўп сурган.

Сербиядан таклиф этилган футболчи Александар Лепосавич олдин маълум қилганимиздек, «Навбаҳор”ни тарк этди. Маълумотларга кўра Лепосавич “Қўқон-1912” сафига қўшилибди. Болгариялик посбон Эмил Михайлов эса шу кунларда юртимизга етиб келади.