"Челси" тўпурари "Валенсия"га қарши ўйинда жароҳат олди

Биринчи бўлим якунида "Челси" форварди Тэмми Абрахам ва "Валенсия" ҳимоячиси Эсекьель Гарай жарима майдончаси ичида тўқнашиб кетишди.

Шундан сўнг иккала футболчига ҳам тиббий ёрдам кўрсатилди. Аргентиналик футболчи ўйинни давом эттира олган бўлса, меҳмонлар ҳужумчиси иккинчи таймда майдонга тушмади.

22 ёшли Абрахам жорий мавсум "Челси" сафида барча мусобақаларда 20та ўйинда майдонга тушиб, 11та гол ва 4та ассист қайд этган.

Эслатиб ўтамиз, "Валенсия" ва "Челси" жамоалари ўртасидаги ўйин 2:2 ҳисобида якунланди.