UZ

Сўнгги янгиликлар

09:56Ўзбекистон МТЖ собиқ футболчиси Каннаваронинг тайинланиши ҳақида: "Ассоцация қандай мезонларга таянганини билмайман"  7 09:20Туркиялик футболчининг трансфер нархи 80 миллион евро этиб белгиланди  0 08:59ФИФА президенти яна бир бор Ўзбекистон ҳақида фикр билдирди  2 08:15"Челси" январда 50 миллион фунтлик трансферни амалга оширмоқчи  0 07:45Ўзбекистон МТЖ собиқ футболчиси Каннаварони терма жамоаси устози бўлгани ҳақида фикр билдирди  7 01:57"Интер" кетма-кет 5 та пенальти қайтарган дарвозабонни сотиб олмоқчи  1 01:18Левандовски билан можаро сабаб ишсиз қолган мутахассис Қозоғистон терма жамоасини бошқариши мумкин  5 00:49"Бавария" "Барселона", "Ливерпул" ва "Реал" қизиқаётган ҳимоячи билан боғланди  0 00:15Жейми Каррагер: "Ливерпуль" деярли баскетбол жамоасига айланиб қолди"  1 23:31УЕФА "Барселона" ва "Милан"га АҚШ ва Австралияда ўйин ўтказишга рухсат берди, лекин ташкилот миллий лигалар ўйинларини чет элда ўтказишни қўллаб-қувватламайди  1 22:31ФИФА президенти Ўзбекистон терма жамоаси бош мураббийини табриклади  39 22:00"Барселона" Араухони қанчага сотмоқчи?  6 21:36"Қайрат" бош мураббийи Калмурзага машина совға қилиниши ҳақида: "Агар ёрдам бермоқчи бўлсангиз – клубга автобус ёки микроавтобус совға қилинг. Бир кишини алоҳида ажратиш нотўғри, бу жамоавий спорт"  6 21:08"Марсель" "Реал" ҳужумчисини ижарага олмоқчи  2 20:01"Челси" "Ювентус" етакчиси учун 66 млн евро таклиф этди ва рад жавобини олди  7

"Челси" академияси — иқтидорлар конвейери Янгиликлар

"Челси" академияси — иқтидорлар конвейери

АПЛ жамоаларининг ярмида "Челси" академияси футболчилари тўп тепади.

Лондон клуби сўнгги 10-15 йилда Европанинг энг "серҳосил" мактабларидан бирига айланди. Агар Европа топ-лигаларига назар ташласак, "Челси" академиясидан иккита кучли ёш футболчилар рўйхатини тузиш мумкин. Қуйида асосий таркибга кирган тарбияланувчиларни кўришингиз мумкин:


Кимлардир жонажон клубининг бошланғич таркибидан ўрин олиб улгурган: Маунт, Кристенсен, Рис Джеймс, Каллум Хадсон-Одои, Трево Чалоба ва Рубен Лофтус-Чик. Яна кимдир эса тажриба орттириш мақсадида ижарада тўп тепади. Масалан, Билли Гилмор "Норвич" асосий таркибида, Конор Галлахер эса кетма-кет иккинчи мавсум клуби АПЛдан тушиб кетмаслиги учун жамоасига ёрдам бермоқда — ўтган йили "Вест Бром"да ўйнаган, бу йил эса "Кристал Пэлас" шарафини ҳимоя қилмоқда.



Рўйхатдаги бошқа трансферлар эса "Челси"га жами 122 млн фунтдан кўпроқ фойда олиб келган. Агар "Локомотив" Анжоринни сотиб олса, сумма 140 млнгача кўтарилади. Факт: Transfermarkt маълумотига кўра, икки таркибнинг нархи ярим миллиард евродан ошади.

Бу катталар футболида порлаган 25 ёшгача бўлган футболчиларнинг бир қисми холос (Жамал Блэкмен (27 ёш) ва Натан Аке (26 ёш) — истисно тариқасида). Шунингдек, яна Райан Брюстер ("Шеффилд Юнайтед", Доминик Соланке ("Борнмут"), Итан Ампаду ("Венеция"), Армандо Броя ("Саутгемптон"), Иан Поведа ("Лидс") ва бошқалар ҳам бор.


Академиянинг сири — ходимлари жуда яхши. Тарбияланувчилар мураббийларни, агентлар эса скаутларни мақтайди

Аввал ҳам академиянинг машҳур тарбияланувчилари бўлган — афсонавий Жон Терри, Грэм Ле Со ва Карлтон Коул, Маззи Иззет ва Фрэнки Синклер (АПЛ тарихидда энг кулгили автоголлар муаллифи). Бироқ Роман Абрамович келганидан кейингина юлдузлар етиштириб берила бошланган.

Энг асосий ижодкор — ёшлар жамоаси тизими бошлиғи Нил Бат. Айнан у клубни ёш футболчиларни ривожлантириш дастурига 100 млн фунтдан кўпроқ сармоя киритишга ишонтирган ва 15 йил давомида уни такомиллаштирган. Унинг даврида ёшлар жамоаси Кобхэмдаги машғулот марказидаги асосий жамоага яқинроқ бўлдилар. Бунга сабаб, шу йўл билан ёшлар ўзини базага яқин эканини ҳис қилар ва мураббийлар ҳам ёшларни кузатиб, иқтидорлиларини танлаб олиш имкониятига эга бўлардилар.



Скаутлар тармоғи нафақат Лондонда, балки бутун Европа бўйлаб кенгайтирилди. Айнан "Челси" академияси вакиллари энг ишончи ҳисобланади ҳамда футболчиларига энг яхши шароитларни таклиф қилади. Масалан, ёш иқтидор соҳиби Чарли Мусонда аллақачон "Барселона" томон отланганди, аммо лондонликлар бироз айёрлик қилиб, мактабга унинг икки укасини ҳам чақириб олишди. Улардан бири ҳозир "Челси" тизимида скаут бўлиб фаолият юритмоқда. "Улар ўйинчини қўлга киритиш учун ҳамма нарсага тайёр", — дейди "The Independent" нашрига лондонлик ёшлар билан ишлаган агентлардан бири. — Бошқалар уддалай олмайдиган таклифларни айнан "Челси" беришини ҳамма яхши билади".

Тарбияланувчилар академия мураббийларини жуда ҳам яхши кўришади. "Аслида "Челси" мактабини ўзига хос қиладиган айнан — мураббийлардир, — дейди Анжорин "The Indepenent" нашрига берган интервьюсида. — Улар шунчаки ўз соҳасининг устаси. U6 ва мактаб ўқувчилари учун ёзги лагердан бошлаб, U23 гача бўлган ёшлар жамоаларига қадар. Улар — техника, тактика ва жисмоний форма томондан ҳам Европада энг яхшиси".



Анжориннинг сўзлари охирги 10 йил ичида титуллар билан ўз тасдиғини топди — Премьер Лига 2даги иккита ғалаба (U-23 жамоалари учун турнир) ва ёшлар Чемпионлар Лигаси (икки бор финалга чиқиш). 2013 йилдан 2018 йилга қадар "Челси" ёшлари Англия ёшлар Кубогини ҳеч кимга беришмади.


Сўнгги йиллардаги авлод асосан Лэмпард шарофати билан "ўйнаб кета олди". Абрамович асосий таркибда 6 тарбияланувчи билан ўйнашни орзу қилади

Тўғри, узоқ вақт давомида клуб ўз тарбияланувчиларини асосий таркибга бириктиришда муаммоларга дуч келган. Ва бу вазиятда трансферларга қўйилган чеклов ёрдам бериб юборди. Қизиқ томони, "Челси" айнан академия учун харид қилинган ёш футболчилар учун ушбу тақиққа учради. Трансферларга тақиқ ва Лэмпарднинг келиши икки мавсум ичида бир йўла 10 нафар тарбияланувчи асосий жамоа сафида дебют қилишини таъминлади. Бу каби йирик қамровдаги ишончни "Челси"нинг XXI асрдаги бирор бир мураббийида кўрмагандик.

Агар Лэмпарднинг собиқ ёрдамчиси Эдди Ньютоннинг (у ҳам "Челси" академияси тарбияланувчиси) сўзларига ишонадиган бўлсак, Роман Абрамовичнинг бир орзуси бор — олти нафар тарбияланувчи бўлган таркиб билан ЕЧЛ ва АПЛда ғолиб бўлиш. ЕЧЛ-2021 финалида асосий таркибда фақат икки футболчи – Маунт ва Жеймс майдонга тушди, яна уч нафари (Кристенсен, Гилмор, Хадсон-Одои) захирада қолдирилди.



Тухель ҳозирча академия битирувчиларига у қадар ишонч билдирмаяпти (шу ёз кўпчилик сотиб юборилди, Гилмор ва Галлахерни ижарага бериб юборишди), аммо ёшларни кўпроқ ўйнатишга ваъда беряпти: "Асосий жамоа эшиклари доимо очиқ. Мен ёш футболчиларни ёқтираман. Мухлисларга ҳам бу каби спортчилар маъқул келади. Катта жамоа яратиш учун хорижлик футболчилар ҳам, футбол юлдузлари ҳам, академиядан чиққан маҳаллий йигитлар ҳам зарур".

Эслатиб ўтамиз, бугун Тошкент вақти билан 21:30да "Брентфорд" - "Челси" учрашуви бўлиб ўтади.


Нозима Зарипова таржимаси

Рейтинг: +14   

Фикрлар

championat.asia
< сўнгги янгиликларни кўриш
Яндекс.Метрика