"Бухоро"ни тарк этганлар қайтмоқда!

Уларнинг қайсилари жамоада қолишлари ҳали номаълум.
Мавсум тугагандан сунг "Бухоро"ни катор футболчилар тарк этишди. Ҳозирги кунга келиб ушбу футболчиларнинг айримлари қайтиб Бухорога ташриф буюришмоқда ва жамоа машғулотларида қатнашишяпти.

ОАВда Отабек Нарзуллаев бошқа клубга ўтиб кетганлиги ҳақида хабарлар пайдо бўлган эди. Дарҳақиқат, ушбу футболчи ўзини бошқа жамоада синаб кўриш истагида "Бухоро"ни тарк этганди, лекин Бухородан кетгиси келмади чоғи, у жамоага қайтиб келди.

Бахриддин Вахобов ва Ботир Носиров ҳам Нарзуллаев сингари "Бухоро" вариантини танлашди.

Ушбу футболчилар катта эхтимол билан янги мавсумни "Бухоро" либосида бошлашади.

Булардан ташқари "Бухоро"ни тарк этган бир нечта футболчилар қайтиб,"Бухоро" шарафини ҳимоя қилиш истагини билдиришган.

Жамоада рақобат кучайиб бормоқда, ҳар бир чизиқда камида 2-3 та футболчи бир-бири билан рақобатчилик қилишмоқда.

Кўрамиз қайси футболчилар жамоа мураббийларининг ишончини оқлай олишаркан ва Шариф шаҳар Бухоро шаънини ҳимоя қилиш насиб қиларкан?!