“Бунёдкор” Туркияда Жазоир чемпиони билан дуранг ўйнади

Айни пайтда Туркиянинг Истанбул шаҳрида мавсумнинг иккинчи қисмига тайёргарлик кўраётган Тошкентнинг “Бунёдкор” жамоаси 17 июль куни Жазоирнинг амалдаги чемпиони – “УСМА Жазоир” клубига қарши ўртоқлик учрашувида майдонга тушди.

Қизиқарли кечган баҳсда жамоалар 1:1 ҳисобидаги дурангга рози бўлишди. Ўйиннинг саккизинчи дақиқасида Сардор Рашидов ўзининг индивидуал маҳоратини ишга солиб, “қалдирғочлар”ни ҳисобда олдинга олиб чиқувчи голга муаллифлик қилди. Бироқ биринчи бўлим охирлаб бораётган паллада жазоирликлар жавоб тўпини киритишди.

Умуман олганда, давралар оралиғида Сергей Лушан асосий таркибга жалб этмоқчи бўлган ёш футболчиларни ушбу баҳс орқали синовдан ўтказиб олди. Шунингдек, жамоада кўрикдан ўтаётган футболчиларни ҳам майдонга тушириб, улар ҳақидаги амалий тасаввурларга эга бўлди.

Ўртоқлик учрашуви
“Бунёдкор” – “УСМА Жазоир” 1:1 (1:1)
Голлар: Сардор Рашидов 8 (1:0), Жалит 40 (1:1)
“Бунёдкор”: 45.Акбар Тўраев, 15.Ислом Иномов, 18.Иван Милошевич, 3.Шукурали Пўлатов, 26.Жавлон Мирабдуллаев, 5.Дилшод Жўраев, 27.Сардор Собирхўжаев, 28.Достонбек Ҳамдамов, 14.Воҳид Шодиев, 10.Анвар Бердиев, 21.Сардор Рашидов
Захирадан майдонга тушганлар: 8.Жавлон Иброхимов, 54.Темур Аюпов, 11.Олександр Пишур, 9.Минори Сато, 19.Забихилло Ўринбоев, 48.Акрамжон Комилов, 4.Хайрулла Каримов, 2.Акмал Шораҳмедов
17 июль, пайшанба. Истанбул