"Бунёдкор": Тарбияланувчиларимиз Қозоғистондан бош соврин билан қайтишди!
08 ноя 2017 14:00
Янгиликлар
![](https://championat.asia/upload/storage/287624_original.jpg)
![](/upload/storage/287624_220.jpg)
"Бунёдкор": Тарбияланувчиларимиз Қозоғистондан бош соврин билан қайтишди!
Қозоғистоннинг Олма-ота шаҳрида 2006 йилда таваллуд топган болалар ўртасида халқаро турнир бўлиб ўтди.
Унда Қозоғистоннинг турли шаҳарларидан ташриф буюрган 9 жамоа қаторида Акмал Рисқуллаев бошқарувидаги тарбияланувчиларимиз ҳам иштирок этишди. Дастлаб жамоалар 2 гуруҳга бўлинди ва ундаги ўйинлар натижасига кўра гуруҳ ғолиблари финал иштирокчисига айланишди. Ёш қалдирғочлар гуруҳ баҳсларида Олма-отанинг “Феникс” (3:0) ва “Қайрат” (2:1) жамоалари, “Олтой” (3:2) ҳамда Остонанинг “Eagles” (7:0) клубларини мағлуб этиб, финалга йўл олишди.
Бош соврин учун баҳсда уларга мезбонлар – “Аристан” жамоаси рўбарў келди. Ҳал қилувчи баҳсни кўтаринки руҳда ўтказган тарбияланувчиларимиз 4:0 ҳисобида зафар қучишди ва бош совринни қўлга киритишди. Шу тариқа “Бунёдкор-2006” халқаро майдонда юртимиз шарафини яна бир бор муносиб ҳимоя қилди.
Ўхшаш янгиликлар
![AMP Logo](https://championat.asia/image/logo-amp.png)
Фикрлар