“Бунёдкор-99” Жанубий Кореяда!

Дилмурод Абдуллаев мураббийлигидаги футболчиларимиз 7-9 ноябрь кунлари Йончхон шаҳрида шаҳрида бўлиб ўтадиган халқаро мусобақада иштирок этишади. “Ari sports Cup International Youth U-15 Football Tournament” деб номланган мусобақада мезбонлар Жанубий Корея, Шимолий Корея, Хитой ва Ўзбекистон вакиллари қатнашишади.

Мусобақа бошлангунга қадар ҳар бир жамоага Сувон шаҳрида бир ҳафталик йиғин ўтказиш имконияти яратилган. Жамоамиз аъзолари Сувон шаҳридаги илк кунида Жанубий Корея футбол афсонаси Парк Жи Сунг футбол марказига ташриф буюришда ва у ердаги шароитлар билан танишишди. Шунингдек, Парк Жи Сунг томонидан йиғилган машҳур футболчилар футболкалари коллекцияси жойлашган музейни ҳам кўздан кечиришди.

Айни пайтда “Бунёдкор-99” аъзолари Жанубий Кореяда машғулотлар олиб боришмоқда.

Ушбу ҲАВОЛА орқали ёш “қалдирғочлар”нинг машғулот жараёнлари фотожамланмаси билан танишишингиз мумкин.

Акбар ДАДАШЕВ,
Сувон, Жанубий Корея