UZ

Сўнгги янгиликлар

01:35Ханси Флик: "3:0 ҳисобидан кейин кайфият тушган"  4 01:14"Арсенал" собиқ футболчиси: "Менимча Слотга Рождествогача имконият берилса керак"  4 00:59Рубен Аморим: "Агарда ўйин сифатини ҳисобга олсак, биз кўпроқ очко тўплашимиз керак эди"  0 00:39Оливер Гласнер МЮни мақтади  0 00:15Сульшер Анчелотти билан бўлган қизиқ ҳолат ҳақида гапирди  5 23:53Гирассини фақатгина 7 клуб сотиб олиши мумкин  1 23:39Манба: Самвел Бабаян - "Андижон" бош мураббийи!  30 23:13Райс "Олтин тўп"ни олиши мумкинми? Артета жавоб берди  0 22:52Андерсон Талиска: "Саудия чемпионати МЛСдан кучсиз эмас. Месси жамоаси у ерда 6:0га ютқазганди"  11 22:13Флик: "Ямал бу ўйинни унутиши керак"  2 21:48Дитмар Хаманн: "Бавария" Европанинг энг яхши жамоасига ютқазди"  0 21:25Луи Саа: "Мактомини "Барселона" ёки "Реал"га ўтиши керак"  8 20:54Ханс-Дитер Флик ҳимоядаги ўйин ҳақида: "Бу бизнинг услубимиз"  3 20:38"Goal" ЕЧЛ учун асосий фаворитлар рейтингини янгилади  14 20:15Пьянич "бутсаларини михга илди"  5

Ўтмишга назар. 20 йил муқаддам бир киши кам Ўзбекистон ёшлар ўртасидаги ЖЧда Аргентинага ютқазган Янгиликлар

Ўтмишга назар. 20 йил муқаддам бир киши кам Ўзбекистон ёшлар ўртасидаги ЖЧда Аргентинага ютқазган

Яқин ўтмишдаги воқеани ёдга оламиз.

2003 йил Бирлашган Араб Амирликларида ўтказилган 20 ёшгача бўлган футболчилар ўртасидаги жаҳон чемпионатида Виктор Борисов мураббийлигидаги Ўзбекистон ёшлар терма жамоаси ҳам иштирок этган. Ушбу мундиалда дебют қилган ҳамюртларимиз "Б" гуруҳида Аргентина, Испания ва Мали терма жамоаларига рўбарў келган. 

Илк ўйинда Малига 2:3 ҳисобида имкониятни бой бериб қўйган вакилларимиз турнирнинг 2-турида Аргентинага қарши майдонга тушади. Шаржада 8500 томошабин иштирокидаги баҳс Ўзбекистон учун омадли тарзда бошланди — учрашувнинг 4-дақиқасидаёқ Александр Гейнрих ҳисобни очишга муваффақ бўлди. Биринчи бўлим бизнинг фойдамизга ҳал бўлди. 

Иккинчи бўлимда эса аргентиналиклар ўйинни ўз фойдасига ҳал қилишди. Бунга 54-дақиқада Ислом Иномовга иккинчи сариқ карточка кўрсатилиши ҳам сабаб бўлди. Дастлаб 70-дақиқада Леандро Фернандес жарима майдончасида ичидан оширилган тўпни бўш қолган дарвозага киритган бўлса, учрашувнинг 90+2 дақиқасида Герман Эррера ҳужумда Игнатий Нестуров билан тўқнашиб кетади, сенегаллик ҳакам эса бу вазиятда 11 метрли нуқтага ишора қилади. Фернандо Кавенаги пенальтини аниқ ижро этиб, сўнгги лаҳзада ғалабани илиб кетади. 

Борисов шогирдлари гуруҳдаги охирги беллашувда Иньеста томонидан урилган гол эвазига Испанияга ютқазиб, мусобақа билан хайралашади. Испания ўша мундиалда финалга қадар етиб бориб, ҳал қилувчи баҳсда Бразилияга мағлубиятга учраган. Аргентина эса мусобақада тўртинчи ўрин билан чекланган.

U-20 жаҳон чемпионати

1 декабрь, 2003 йил

"Шаржа" стадиони, Шаржа, БАА

Ўзбекистон — Аргентина 1:2

Голлар: Александр Гейнрих (4) — Леандро Фернандес (70), Фернандо Кавенаги (90+3, пенальтидан)

Ўзбекистон: 12.Игнатий Нестеров, 5.Музаффар Ҳолиқов (13.Камолиддин Тожиев, 75), 2.Шавкат Раимқулов, 4.Ярослав Крушельницкий (с), 20.Илҳом Суюнов (8.Нодир Қўзибоев, 74), 18.Ислом Иномов, 3.Рустам Қодиров, 7.Мансуржон Саидов, 10.Илёс Зейтуллаев, 9.Александр Гейнрих, 14.Марат Бикмаев (11.Элдор Магдеев, 66)

Захира: 1.Тимур Ғаниев, 6.Жасур Ҳасанов, 15.Константин Боев, 16.Баҳриддин Ваҳобов, 17.Владимир Аникин, 19.Тимур Султонов

Бош мураббий: Виктор Борисов

Аргентина: 1.Густаво Эберто, 2.Гонсало Родригес, 4.Маурисио Ромеро, 6.Леандро Фернандес, 5.Хавьер Маскерано, 8.Хьюго Колаче (17.Хосе Соса, 65), 3.Осмар Феррейра (11.Марсело Карруска, 56), 16.Нери Кардосо (19.Герман Эррера, 39), 18.Уолтер Монтильо, 20.Франко Канжеле, 9.Фернандо Кавенаги

Захира: 7.Пабло Сабалета, 12.Мариано Барбоса, 13.Жоэл Барбоса, 14.Жонатан Боттинелли, 15.Уолтер Гарсия

Бош мураббий: Хьюго Токалли

Огоҳлантиришлар: Ислом Иномов (21), Нери Кардосо (29), Осмар Феррейра (41), Мансур Саидов (47), Александр Гейнрих (54), Хавьер Маскерано (60), Франко Канжеле (70), Илёс Зейтуллаев (83), Леандро Фернандес (84), Гонсало Родригес (87)

Четлатиш: Ислом Иномов (54, иккинчи огоҳлантириш)

Афсуски, топилган видеолавҳадан Гейнрихнинг голи ўрин олмаган экан.


Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика