UZ

Сўнгги янгиликлар

16:20"Евро-2024"да ҳеч ким Англия билан тенглаша олмайди"  3 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  2 15:26Суперлига. 4-тур учрашувларини ўтказиб юборадиган футболчилар  2 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  5 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4

Бугун "Насьонал", шунингдек, 1966 йилги Тошкент зилзиласи рўй берган сонияларда "Пахтакор" стадионида гол урган Тожиров таваллуд топган кун! Янгиликлар

Бугун "Насьонал", шунингдек, 1966 йилги Тошкент зилзиласи рўй берган сонияларда "Пахтакор" стадионида гол урган Тожиров таваллуд топган кун!

Бугун "Пахтакор" жамоасининг ўтган аср 60-йилларидаги яна бир машҳур футболчиси, ўзига яраша тарихий голлар муаллифи Владимир Тожиров таваллуд топган кун.

Агар бугун Владимир Ҳасанович ҳаёт бўлганида 79 ёшни қаршиларди. Тожиров бироз аввал ҳикоя қилганимиз яна бир "Пахтакор" афсонаси Юрий Пшеничников билан бир йилда, бир кунда дунёга келган эди. 

Владимир Тажиров 1940 йилнинг 2 июнь куни Тошкент шаҳрида дунёга келган. "Меҳнат резервлари" жамоаси таркибида футболчилик фаолиятини бошлаган. Фаолиятининг ёрқин йилларини "Пахтакор" сафида ўтказган. Владимир 7 мавсум давомида "Пахтакор" шарафини ҳимоя қилган. 1967 йилда Москванинг "Локомотив" клуби шарафини ҳимоя қилган. Футболчилик фаолиятини "Фрезер" (Москва) ҳаваскорлар клубида якунлаган.

СССР чемпионатларида жами 225 та учрашув ўтказиб, рақиблар дарвозасини 8 маротаба ишғол қилган. Володя фаолиятини ҳимоячи сифатида бошлаб, ярим ҳимоячи амплуасида тугатган. Владимир "Пахтакор" таркибида Валерий Мухин билан ажойиб тандем ҳосил қилганди. 

Унинг икки голи шубҳасиз, фаолиятини безайди. 1964 йилда "Пахтакор" Тошкентда Уругвайнинг 25 карра чемпиони "Насьональ" клубини қабул қилади ва 2:1 ҳисобида ғалаба қозонади. Монтевидео клуби Европа турнесидаги кетма-кет ғалабалардан сўнг айнан Тошкентда мағлубият аламини тотиб кўради. Эргаш Каримов иштирокидаги "Учрашув" фильми ёдингизда тушдими? Ўша тарихий ўйиндаги ҳисобни меҳмонлар очишган. Тожиров эса ўзининг алдамчи ҳаракатлари билан мувозанатни тиклаган. Иккинчи бўлимда Валерий Любушин ғалаба тўпини киритган. 

Иккинчи тарихий гол. 1966 йилнинг 26 апрель куни Тошкентда кучли зилзила рўй берган. Айнан зилзила чоғида "Пахтакор" жамоаси 50 000 мухлис кўз ўнгида Минскнинг "Динамо" клубини қабул қилаётган бўлган. Ўшанда учрашувдаги ягона голни бугунги қаҳрамонимиз ўз ҳисобига ёзиб қўйган эди. Уч ҳимоячи қуршовида турганига қарамай, Володя ҳаммадан баланд сакраб, боши билан дарвозани ишғол қилганди. 

Владимир Тожиров 2011 йилнинг 17 апрель куни Москва шаҳридаги Тихорецк бульвардаги уйида вафот этган. Унинг Станислав (1964 йилда туғилган) исмли ўғли ва Дмитрий (1984 йилда туғилган) исмли невараси бўлган.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика