Бугун футбол. "Обод" - "Металлург"

Олий лигада қолиш учун ҳаракат қилаётган "Обод" ўз майдонида "Металлург"ни қабул қилади.

18:30 - «Обод» (Тошкент) – «Металлург» (Бекобод)
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), Д. Клепиков (Тошкент)
Назоратчи: Б. Тоғаев (Тошкент).
ЎзПФЛ вакили: Н. Лутфулин.

Турнир жадвалидаги ўрни: "Обод" 9 очко билан жадвалнинг энг охирги қисмини эгаллаб турибди. "Металлург" ҳисобида 11 очко бор ва бу жамоа 14-ўринда бормоқда.

Ўйиндан нима кутяпмиз? Бугун "Жар" стадионида қизиқарли ўйин бўлиши кутилмоқда. Чунки иккала жамоага ҳам очко зарур. Агар "Обод" ғалаба қозонса, "Металлург"дан ўзиб кетади. Лекин бекободликлар ҳам бўш келмаслиги турган гап. Чунки бу жамоа "Насаф"ни мағлуб этганидан сўнг қолган беллашувларда очко йўқотмасликка ҳаракат қилади.

Факт: Охирги ўриндаги "Обод" ўз майдонида ҳозирча битта ғалабага эришган. Рауф Инилеев шогирдлари "Динамо"ни 3:1 ҳисобида мағлуб этишганди. Шундан кейин "Обод" Муборакка бориб "Машъал"дан 0:3 ҳисобида енгилиб қайтди.

Биласизми? "Обод" охирги тўртта ўйиннинг фақат иккитасида мағлуб бўлди. Демак, жамоа ўзига келаётган бўлиши мумкин.

Факт: "Металлург" ҳозирча сафар ўйинларида фақат битта гол урган. Жамоа 9-турда "Бунёдкор" билан 1:1 ўйнаган. Умумий тўплар нисбати 1-7.

Биласизми? "Металлург" сафар ўйинларида ҳали ғалаба қозонмаган. Жамоа бир бор дуранг ўйнаб, тўрт марта имкониятни бой берган.