Бугун футбол. "Бухоро" - "Бунёдкор"

Шулардан бири Бухорода ўтказилади ва унда маҳаллий "Бухоро" жамоаси пойтахт вакили "Бунёдкор"ни қабул қилади.

Олий лига. 24-тур
БУХОРО - БУНЁДКОР
Бошланиш вақти - 18:00

Турнир жадвалидаги ўрни: "Бухоро" 4-ўринда (42 очко), "Бунёдкор" 2-ўринда (50 очко).
Очколар орасидаги фарқ - 8 очко.

Таъриф: Ўзига яраша қизиқ кечиши кутилаётган баҳслардан бири. Жорий мавсум яхши ўйин кўрсатаётган "Бухоро" ўз майдонида кучли клублардан бири "Бунёдкор"ни синовдан ўтказади. Бу ўйинда ким ғолиб чиқишини олдиндан айтиш қийин. Чунки "Бухоро" яхши футболчиларни ўз сафига чорлаб юқори ўринлар учун ҳаракат қилаётган бўлса, "Бунёдкор" чемпионлик учун курашмоқда. Эслатиб ўтамиз, биринчи даврадаги учрашувда "Бунёдкор" 3:0 ҳисобида ғалаба қозонган. Голларни рақиб дарвозасига Сато Минори, Элдор Шомуродов ва Достон Ҳамдамов киритган.

Факт: "Бунёдкор" иккинчи даврада "Бухоро"га нисбатан битта кам ўйин ўтказган. Бухороликлар иккинчи даврада олтита ўйинда ғалаба қозониб, бир марта мағлуб бўлишган. "Бунёдкор" эса тўртта учрашувда зафар қучди ва икки бор ютқазиб қўйди. "Бухоро" ўз майдонида ҳозиргача 11та ўйинда иштирок этиб 23 очко тўплаган. 7та ғалаба, 2 дуранг ва 2 мағлубият. Тўплар нисбати 18-8. "Бунёдкор" эса сафардаги 11та беллашувда 19 очко жамғарган. 5 ғалаба, 4 дуранг ва икки мағлубият. Тўплар нисбати 16-8.

Факт: "Бунёдкор" иккинчи давра бошланганидан бери ҳали сафарда ғалаба нашидасини сургани йўқ. "Бухоро" эса ўз уйидаги 3та беллашувни ҳам ғалаба билан якунлади.