UZ

Сўнгги янгиликлар

02:19Англия. Муҳаммадали Ўринбоев "Брентфорд B" таркибида гол урди ва жамоасининг ғалабасига ҳисса қўшди  2 01:18"Бавария" Тухелнинг ўрнини эгаллаши кутилаётган номзод билан музокараларни бошлаб юборди  0 00:52Икер Касильяс ЕЧЛ финалида "Реал" дарвозасида ким туриши кераклигини айтди  1 00:30Чемпионларни сақлаб қолиш: "Байер" ёзда кимларни йўқотиши мумкин? (мутолаа учун)  0 00:11"Реал" Мбаппе трансферини Чемпионлар лигаси финалидан сўнг эълон қилади!  6 23:30Ривалдо ЕЧЛ финали ҳақида: "Боруссия Д" ғалаба қозонади"  15 23:22Расман: Килиан Мбаппе июнь ойида ПСЖни тарк этишини эълон қилди  12 23:09Бразилия термаси Америка кубоги учун қайдномасини эълон қилди. Рўйхатда Каземиро йўқ  7 22:42Хуммельс ЕЧЛда ҳафта ўйинчиси деб топилди. Матс Винисиусни ортда қолдирди  5 22:20Про лигада 7-тур ортда қолди. Турнир жадвали қандай кўринишда?  1 22:03Футзал бўйича Олий лига. "Oil Star" "Навбаҳор"ни мағлубиятга учратиб, кумуш медалларга эга чиқди!  1 21:30ОФК Куала-Лумпур шаҳрида терма жамоалар мураббийлари учун конференция ўтказди. Катанец бу конференцияда кўриниш бермади  11 21:00Про лига. "Бухоро" йирик ҳисобда "Олимпик-MobiUz"ни мағлубиятга учратди  34 20:51Гнабри жароҳати сабаб мавсумнинг қолган қисмини ўтказиб юборади  2 20:35Ўша машҳур дўппи аукционда 50 миллион сўмга сотилди!  13

Бугун Франко Барезини ўзига кумир деб билган Мустафо Белялов 62 ёшга тўлди Янгиликлар

Бугун Франко Барезини ўзига кумир деб билган Мустафо Белялов 62 ёшга тўлди

Бугун, 4 июнь куни "Пахтакор" жамоаси тарихидаги энг яхши ҳимоячилардан бири, шонли клуб таркибида 183 та расмий учрашувда майдонга тушган тожик ўғлони Мустафо Белялов таваллуд топган кун.

Мустафо Белялов 1957 йилнинг 4 июнь куни Тожикистоннинг ўша пайтдаги Хўжанд вилояти Чкаловск шаҳрида Осмон ака ва Сария аялар оиласида дунёга келган. Ўн ёшидан футбол билан профессионал даражада шуғуллана бошлаган. Биринчи мураббийи Владимир Бурдиндан Чкаловскдаги БЎСМда миллионлар ўйини сир-асрорларини ўрганган. 1974-1978 йилларда Тожикистон давлат жисмоний тарбия институтининг футбол бўлимида таҳсил олган. 

Белялов машҳур мураббий Иштван Секечнинг таклифи билан Душанбенинг "Помир" клубида катта футболдаги шонли йўлини бошлайди. Ўша пайтда у институтнинг иккинчи босқич талабаси эди. "Помир" эса собиқ иттифоқ чемпионатининг биринчи лигасида ўйнарди. Тақдирни қарангки, Мустафо илк голини Иттифоқ кубогининг минтақавий учрашувида "Пахтакор" дарвозасига киритган. Учрашув душанбеликларнинг кичик (1:0) ҳисобдаги ғалабаси билан якунланган. 1981 йили Секеч "Пахтакор" бош мураббийи этиб тайинланади. Табиийки, Секеч таркибни кучайтириш мақсадида ўзи яқиндан билган футболчиларни "Пахтакор"га чорлайди. Улар орасида Мустафо Белялов ҳам бор эди. 

Бугунги юбиляримизнинг "Пахтакор" либосидаги илк расмий ўйини 5 май куни Тошкентда Москванинг "Динамо" клубига қарши бўлиб ўтган. Учрашувда майдон эгалари Андрей Якубик ва Игорь Семенконинг голлари эвазига ғалаба (2:1) қозонган. Меҳмонларнинг ягона голига кейинчалик мураббийликда ҳам машҳурликка эришган Валерий Газзаев киритганди. Белялов иккинчи бўлим бошларида Низом Нортожиевнинг ўрнини эгаллаган. Ўзи учун "Пахтакор"даги илк мавсумида 19 та ўйинда майдонга тушиб, "Динамо" (Москва) ва "Шахтёр" (Донецк) клублари дарвозасини ишғол қилган. Ҳимоячи учун бу яхши кўрсаткич. 

Мустафо Белялов собиқ иттифоқ олимпия терма жамоаси таркибида 7 та ўйин ўтказган. Виктор Сальков бошчилигидаги олимпиячилар сафида Виктор Чанов, Игорь Беланов, Валерий Газзаев, Игорь Лорионов, Фёдор Черенков сингари машҳур футболчилар ўйнарди. Мустафо 1984 йилнинг охиригача "Пахтакор" шарафини ҳимоя қилган. 1985 йилги мавсумни эса Озарбайжоннинг "Нефтчи" жамоасида бошлаган. У уч йил давомида Боку шаҳрининг бош жамоасида ўйнаган. 1988 йилда афсонавий Биродар Абдураимов "Пахтакор"га бош мураббий этиб тайинлангач, Белялов яна Тошкентга қайтган. 

Белялов футболчилик фаолиятини якунлагач, мураббийликда ўзини синаб кўради. У Бухоронинг "Нурафшон" жамоасига устозлик қилди. Унинг қўл остида жамоа 1995 йилги чемпионатдаги энг юқори ўрни - 5-поғонадан жой олган. Белялов италиялик футбол афсонаси Франко Барезини ўзига кумир деб билган. 

Мустафо Белялов оилали, уч фарзанднинг отаси. Мустафо ва Элмасхонимларнинг никоҳ тўйлари 1984 йилнинг 20 июль куни бўлиб ўтган. Улар Элвина, Рустам ва Арслон исмли фарзандларни вояга етказишди. Бугунги кунда Белялов Тошкентда истиқомат қилади ва қурилиш моллари ишлаб чиқариш билан шуғулланади. 

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика