Бу сафарги Осиё Кубогида Ўзбекистондан 30 нафарга яқин ОАВ вакиллари иштирок этади
28 дек 2018 15:10
Янгиликлар

Бу сафарги Осиё Кубогида Ўзбекистондан 30 нафарга яқин ОАВ вакиллари иштирок этади

Осиё Кубогига саноқли кунлар қолган бир пайтда, ОФК Медиа каналидан рўйхатдан ўтган ўзбекистонлик журналистларнинг сони 50 нафарга яқин бўлди.

www.championat.asia бу мусобақага ўзгача тайёргарлик кўраяпти. Хайрулла Холиқов бошчилигида сайтнинг 10 нафар ходими БААдаги мусобақада фаолият олиб борадилар. Шунингдек, ЎФА томонидан яна 15 нафарга яқин ОАВ вакиллари терма жамоамиз иштирокидаги ўйинларни ёритиш учун БААга олиб кетилаяпти.

ОАВни оммавий тарзда Осиё Кубокларида фаолият олиб бориши Қатардаги мусобақадан бошланган эди. Ўшанда 9 нафар журналист Қатар яшил майдонларида ишлаган эдилар. Австралияда 7 нафарни ташкил этган. 2007 йил эса икки нафар журналист Шарқий Осиёга ташриф буюрган эди.

Сайтимизнинг катта делегацияси Осиё Кубоги давомида Сизларга Ўзбекистон миллий терма жамоаси иштирокидаги ўйин олди, ўйин ва ўйиндан кейинги воқеаларини тезкорлик билан бериб борадилар. Интервьюлар, таҳлиллар, фотомақолалар ва видео лавҳалар албатта Сизларга қизиқ бўлади деб умид қиламиз. Шунингдек, рақибимиз базасида кечаётган муҳим воқеаларни ҳам айнан биз орқали билиб олишингиз мумкин бўлади. Қолаверса, қўшниларимиз иштирокидаги ўйинлар ҳам сайтимизда кенг ёритиб борилади.

Ҳавола :

Манба : championat.asia

Янгиликларни Телеграмда ўқинг!

Рейтинг: +31