- Президентимиз Колумбияга қарши ўйиндан сўнг катта йиғилишда сизларни қаҳрамон сифатида эътироф этиб, жамоамиз катта характер намойиш этди деб айтиб ўтдилар. Ушбу гаплар сизларга қўшимча куч бердими?
- Президентимизнинг ўзлари бизни қўллаб-қувватлаб турганлари бизга катта мотивация беради. Мағлубиятдан кейин ҳам биз ҳақимизда бундай илиқ фикр билдирганлари бизга бўлган катта ишончдан далолат. Бутун бир ўзбек халқимиз, етти ёшдан етмиш ёшгача бўлган инсонлар, барча ва барча кечаги ўйинни томоша қилди. Жаҳон чемпионати миллатни бирлаштирар экан. Мундиалнинг энг катта жиҳати шу экан, инсонларни бирлаштирар экан. Мухлисларни хурсанд қилишга ҳаракат қиламиз. Мен ҳам ушбу жамоанинг бир қисми бўлганимдан ва Ўзбекистонда туғилганимдан фахрланаман.
