Бруну Фернандеш: “Пеп менинг ҳурматимга арзийдиган инсон”

Учрашувдан сўнг, манкунияликлар футболчиси Бруно Фернандеш Пеп Гвардиоланинг унга бўлган совуқ муносабати ҳақида фикр билдирди.

“Ўша пайти Гвардиола яхши иш қилмади деб ўйлайман. Майдон четида айтган гаплари ҳақиқий профессионалларга хос иш эмасди. Мен буни дўстларим билан ҳам муҳокама қилдим. У менга тўпни улоқтирди ва ҳурматсизлик кўрсатди. Мен эса унга овозингни ўчир деб айтдим. Лекин ҳозир майдондан ташқарида туриб хато иш қилганимни англаяпман, ўшанда асабий ҳолатда эдим. Қайтадан бу ишни қилмаган бўлардим. 

Ҳақиқатан ҳам, Пеп ҳурматимга лойиқ инсон. Унинг эришган ютуқларини рад этиб бўлмайди. У замонавий футболга янгича услуб олиб кира олди. Лекин ўша пайти қизишиб кетгандим. Ҳозир эса барчаси ўтиб кетди ва яна аввалгидек муносабатдамиз”, - дейди португалиялик футболчи.

Эслатиб ўтамиз, Фернандеш “Манчестер Юнайтед”га январда келиб қўшилган ва 5та ўйинда майдонга тушиб, 2 та гол ва 3 та голли узатмани амалга оширди.