Бруну Фернандеш АПЛда ой ўйинчиси деб топилди

Португалиялик футболчи ўтган ойда ўтказилган 3та ўйинда майдонга тушиб, 3та гол уришга эришган.

25 ёшли ўйинчи бу совринни кетма-кет иккинчи бор қўлга киритди. Олдинроқ бу ишни Муҳаммад Салаҳ, Жейми Варди, Харри Кейн, Криштиану Роналду, Деннис Бергкамп ва Робби Фаулерлар ҳам уддалашган.

Июнь ойидаги ушбу соврин учун ҳужумчи Антони Марсьяль ("Манчестер Юнайтед"), ҳимоячи Конор Коуди ("Вулверхэмптон"), форвард Рауль Хименес ("Вулверхэмптон"), ярим ҳимоячилар Аллан Сен-Максимен ("Ньюкасл") ва ҳужумчи Дэнни Ингз ("Саутгемптон")лар ҳам даъвогарлик қилишган эди.